Það er sama um hvaða hluta kvenlíkamans er að ræða, allt kemur og fer úr tísku.
Núna eru breiðar og gróskumiklar augabrúnir í tísku og stelpurnar sem voru alltaf með plokkarann hátt á lofti eru byrjaðar að safna.
Því miður gengur ekki öllum jafn vel að safna, einfaldlega vegna þess að við erum allar með misþykkar augabrúnir og eins eru þær misjafnar í laginu. Sumar eru með bogadregnar, aðrar með hvassa “Marilyn” brún og svo eru sumar með góðan og gróskumikinn lubba.
Stundum hafa konur plokkað sig svo lengi og mikið að vöxturinn verður heldur gisinn. Þá eru hárin svona á stangli og nokkrir millimetrar á milli þeirra stundum. Ógeðslega erfitt að freistast ekki til að plokka en endilega sjáðu hvað þú heldur þetta lengi út.
Á þessum tíma er líka gott að eiga góðan augnbrúnablýant til að fylla inn í eyðurnar. Passaðu þig bara að hann sé ekki of dökkur mv. þinn eigin lit því það getur komið furðulega út.
Ef það kemur svo engin almenninleg spretta þá þarftu víst bara að sætta þig við stöðuna eins og hún er og gera það besta úr henni.
Farðu í plokkun og láttu taka mið af brúnunum þínum eins og þær eru, ekki eins og þú vildir að þær væru.
Ég er af X-kynslóð, elska 70’s tónlist, finnst gott að fara í sund á kvöldin og á erfitt með arfa i görðum. Kýs fjölbreyti í lífið. Kann eina Eminem plötu utanað. Hef thing fyrir Marilyn Monroe, áhuga á feminisma og svona sitthvað fleira.
