Þvoðu þér í framan stelpa!

Það ætti náttúrlega ekki að þurfa að taka það fram hversu miklu máli það skiptir að þrífa húðina, að minnsta kosti tvisvar á dag.

Því er mjög mikilvægt að eiga góða hreinsilínu, til dæmis góða andlitssápu til að hafa í sturtunni, hvort sem það er scrub, peeler eða eitthvað annað, góða hreinsimjólk og tóner OG… hreinsimjólkina og tónerinn ætti að nota bæði kvölds og morgna! Margir verða nú hvumsa og spyrja: “HA? á morgnana líka?” og svarið er já. Það skiptir mikilu máli að þrífa húðina líka á morgnana þar sem hún endurnýjar sig á nóttunni og það þarf að strúka burt dauðar húðfrumur og annað sem hún hefur losað sig við.

Áður en þú meikar þig er mikilvægt að húðin sé vel þrifin svo að þetta komi sem best út . Konur halda því stundum fram að þetta og hitt meikið sé lélegt en oftar en ekki er það hreinlega því að kenna að þær eru að bera meikið á óhreina og óundirbúna húð – sem þýðir slæm útkoma.

Ég á alltaf sápu frá Kanebo í sturtunni minni, reyndar tvær… Önnur heitir Creamy soap en hitt er meira pealing duft. Þessar vörur eru æði og húðin á mér verður þvílíkt geislandi hrein og stöm eftir þetta. Samt ekki þannig stöm að hún sé þurr, langt í frá. Aðeins dýrari vörur en frábærar.

Svo finnst mér hreinsilínurnar frá L’oreal æðislegar. Þær eru ekki dýrar en svínvirka. Flóran hjá þeim er mikil og það er til eitthvað fyrir allar húðtýpur. Ég t.d er með rósroða og rosalega þurra og viðkvæma húð og það er til spes lína fyrir mig. Frábærar vörur sem bíta ekki of fast í budduna.

Vatn skiptir líka miklu máli við þrif á húðinni. Ég nota mikið kalt vatn. Stundum ef ég er mjög þurr, þá finnst mér gott að skvetta köldu vatni framan í mig og láta það þorna sjálft á andlitinu. Svo þarf auðvitað að vökva sig vel að innan með því að drekka mikið vatn því vatnið hreinsar húðina innan frá og hjálpar til við að ýta óhreinindum úr húðinni, sem er…eins og allir muna, stærsta líffærið!

Margrét Hugrún

Ég er af X-kynslóð, elska 70’s tónlist, finnst gott að fara í sund á kvöldin og á erfitt með arfa i görðum. Kýs fjölbreyti í lífið. Kann eina Eminem plötu utanað. Hef thing fyrir Marilyn Monroe, áhuga á feminisma og svona sitthvað fleira.

pjatt.is/author/margret/