Það hefur ekki farið framhjá neinum undanfarna daga að Paul Walker lést í hörmulegu bílslysi þann 30. nóvember síðastliðinn.
Vin Diesel og Paul Walker voru bestu vinir, þeir unnu saman í kvikmyndunum Fast and the Furious, töluðu saman á hverjum degi og voru sannkallaðar samlokur.
Vin fór að heimsækja fjölskyldu Pauls stuttu eftir fráfall hans en hann hélt að þau þyrftu á stuðningi hans að halda. Hinsvegar var það herra Diesel sem brotnaði niður og hágrét í faðmi fjölskyldu vinar síns sem hughreysti hann.
Móðir Pauls huggaði Vin Diesel og sýndi honum mikinn skilning. Hún sagði meðal annars að hann hefði þarna misst helminginn af sjálfum sér.
Vin Diesel segir að það sé satt, annar helmingur hans er farinn yfir móðuna miklu og hann syrgir besta vin sinn sárt. Hann setti á Facebook síðuna sína stöðuuppfærslu þar sem hann “talaði” við Paul og sagði að fráfall hans hefði haft áhrif á svo marga í heiminum núna, hann muni alltaf elska hann og sakni bróður síns, utan sem og á skjánum.
Paul var ekki bara fallegur heldur einnig afar hjartahlýr maður og vinir hans tala mjög fallega um hann. Hann lét eftir sig eina dóttur.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
