Victoria Beckham er forsíðustúlka í bæði ítalska og spænska Vanity Fair en þar talar hún meðal annars um Kryddpíuárin og ástina í lífinu sínu, David Beckham sjálfan.
Victoria segir að það hafi verið mikill heiður að fá að koma fram á Ólympíuleikunum og það hafi verið hennar leið til þess að segja takk við aðdáendur sína og þakka fyrir öll tryggu árin en hún segir einnig að hún muni aldrei aftur koma fram sem Kryddpía eða opinberlega með Spice Girls.
Forgangur Victoriu í dag er tískuveldið hennar sem fer ört stækkandi ár frá ári en Victoria hannar meðal annars fatnað, sólgleraugu og veski.
Victoria segir að Kryddpíurnar hafi fagnað konum og að hún sé einmitt að gera það með hönnun sinni í dag því að það sé fátt fallegra en kona í fallegum fötum. Hún er þakklát fyrir bakgrunninn í Kryddpíunum sem fögnuðu kvenlegum styrk og lögðu áherslu á að konur væru bæði sjálfsstæðar og sterkar. En nú sé það endanlega búið.
Victoria hlaut hin virtu BAMBI verðlaun í fyrra og það var enginn annar sem sjálfur Karl Lagerfeld sem afhenti henni verðlaunin og fór fögrum orðum um hönnuðinn en að sögn Victoriu er hún stöðugt að klípa sig því hún trúir því ekki enn að hún sé farsæll hönnuður sem fær hrós frá engum öðrum en Karl Lagaerfeld. Sá er ekki mjög örlátur á hrós.
Victoria segir að það hafi verið mikið tilfinningaflóð hjá fjölskyldunni þegar þau fylgdust með David spila sinn síðasta leik á ferlinum en núna séu þau farin að njóta þess að eiga tíma saman og David sé besti pabbi í öllum heiminum og hugsi mjög vel um sig og ungana sína. Hún segir einnig að sér finnist mjög notalegt að hafa eiginmanninn heima þegar hún kemur heim úr vinnunni.
Victoria virðist vera óstöðvandi þessa dagana en hönnun hennar nýtur mikilla vinsælda um heim allan og hún hefur náð umtalsvert meiri frægð og frama en hinar stelpurnar úr Spice girls.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
