Undanfarið hefur nýtt útlitsfyrirbæri (ef svo má að orði komast) verið æ meira áberandi í netheimum en það eru svokallaðar Barbí stelpur, eða lifandi dúkkur.
Nokkrar þeirra hafa skotist upp á stjörnuhimininn og fengið vinnu út á hið sérstæða útlit en aðrar eru með gríðarlega stóran hóp fylgjenda á Facebook eða annarsstaðar á netinu þar sem þær kenna förðun, hárgreiðslu og sitthvað í þeim dúr eða einfaldlega bara stilla sér upp fyrir myndavélina.
Hér eru þrjár frægar…
Dakota Rose/Kota Koti
Þær frægustu eru líklegast þær Dakota Rose sem kallar sig Kota Koti og Venus Palermo sem kallar sig Venus Angelic en báðar eru þær um 16 ára gamlar. Kota Koti er með um 130,000 áhangendur á Youtube og margar milljónir hafa skoðað myndböndin hennar. Þær kenna kynsystrum sínum að mála sig og segja ekki orð meðan texti rúllar eftir skjánum.
HÉR er Tumblr síða Kota Kodi
Venus Palermo/Angelic
Venus er eins og lítil, lifandi dúkka og frægðarsól hennar rís hærra með degi hverjum um leið og gagnrýniraddir óma í senn þar sem Lólítu stíll hennar þykir helst til ögrandi og barnalegur. Venus er aðeins fimmtán ára en lítur út fyrir að vera lítið barn, eða Manga teiknimyndafígúra.
Stúlkan rekur ættir sínar til Sviss og Austurríkis en býr með mömmu sinni í London. Þær eru báðar haldnar mikilli þráhyggju á allt sem kemur frá Japan og Venus leggur sjálf stund á nám í japönsku.
HÉR er meira um Venus…
Valeria Lukyanova
Valeria Lukyanova er líklegast með eldri ‘dúkkum’ internetsins eða 27 ára. Hún er jafnframt sú eina þeirra sem sýnir líkamann og stillir sér upp á baðfatnaði. Hún er ættuð frá Úkraínu og er orðin talsvert fræg í heimalandi sínu en þar er hún helst frægust fyrir að vilja ‘þurrka sjálfa sig út’ til að verða að einhverju öðru – í þessu tilfelli dúkka.
Valeria, sem er fædd 23 ágúst 1985, hefur farið í nokkrar aðgerðir til að fullkomna hið dúkkulega útlit en líkt og fleiri stöllur hennar í dúkkugeiranum kennir hún aðdáendum sínum einnig trixin með förðunarvörum, gerviaugnhárum og öðrum tækjum og tólum. Kíktu HÉR til að sjá förðunarkennslu í boði Valeriu og ef þú efast um að líkaminn sé ekki bara ‘fótósjoppaður’ skaltu prófa að finna myndbönd með henni sem sýna búkinn.
Hér er Facebook síða Valeriu
Skoðaðu endilega fleiri myndir af þessum sérstöku stelpum… og segðu okkur hvað þér finnst um þetta á FB síðunni okkar… sjálfar erum við hálf orðlausar.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
