Mikil auking hefur orðið hjá konum eldri en 65 ára í lýtaaðgerðum í Bretlandi og víðar.
Að sögn DailyMail hefur orðið 17% aukning á síðustu fimm árum í alhliða aðgerðum hjá konum eldri en 65 ára. 21% aukning varð í augnpokaaðgerðum og hrukkuaðgerðir á borð við botox og relystane hafa aukist um 22%. Vinsælustu aðgerðirnar eru þó andlitslyftingar sem hafa aukist um 18%.
Ástæðuna telja margir vera þá að konur hafa meiri tíma og peninga til að eyða í sjálfar sig. Hálf ævin fór jafnvel í barnauppeldi og ekki mikill tími til að huga að aðgerðum en eftir sextugt hafa margar nægan tíma og sparifé.
Jane Fonda, sem er 73 ára, viðurkenndi nýlega að hafa farið í slíkar aðgerðir en hún er meðal þeirra eldri kvenna sem líta stórkostlega vel út. Dolly Parton, sem er 65 ára, hefur reyndar líka farið í ótal aðgerðir en ekki er hægt að segja að þær hafi heppnast jafn vel og hjá Fonda.
Í frægu viðtali sagði Dolly: ‘If I see something sagging, bagging, and dragging, I’m going to nip it, suck it and tuck it.’
Þetta útleggst í stuttu máli: ‘Ef ég sé eitthvað slappast, leka eða drabbast þá mun ég skera það, sjúga og girða.’
Fonda sem verður 74 ára í næsta mánuði er líka aðdáandi aðgerðanna. Í viðtali við Shape Magazine sagðist hún þakka eftirfarandi atriðum sitt fallega útlit:
‘Ég get skrifað 30 prósent á erfðirnar, 30 prósent á gott kynlíf, 30 prósent á íþróttir og heilbrigðan lífsstíl en síðustu tíu prósentin verð ég að skrifa á lýtalækninn minn’.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
