Pjattrófurnar greindu frá því fyrir skemmstu að nú hefði Sif Cosmetics sent frá sér nýja vöru – dagkrem sem fer vel með húðdropunum vinsælu en aðeins örfáum dögum eftir að nýja EGF dagkremið frá Sif Cosmetics kom á markað varð það uppselt hjá framleiðanda.
Reiknað er með að næsta framleiðsla af dagkreminu komi í verslanir í byrjun næsta mánaðar en þegar hafa myndast biðlistar í verslunum Hagkaupa og Lyfju.
Dr. Ronald Moy, formaður bandarísku húðlæknasamtakanna, sagði í Fréttablaðinu og á Stöð 2 fyrr í vikunni að virkni EGF húðdropanna frá Sif Cosmetics sé sú besta sem hann hafi séð á þrjátíu ári ferli sínum sem húðlæknir. Þessi ummæli hafa heldur betur ýtt við Íslendingum sem flykkjast nú í verslanir til að kaupa húðdropana og nýja dagkremið.
“Það má segja að ævintýrið frá því fyrir rúmu ári, þegar EGF húðdroparnir komu fyrst á markað, sé nú að endurtaka sig með nýja EGF dagkremið,” segir Björn Örvar, forstjóri Sif Cosmetics í fréttatilkynningu.
Ísland er ekki eina landið þar sem mikil eftirspurn er eftir vörum Sif Cosmetics. Sem dæmi má nefna að EGF húðdroparnir seldust upp á nokkrum dögum í frönsku hátískuversluninni Colette í París þegar sala þeirra hófst þar fyrr á árinu. Enn er hægt að fá krem og húðdropa á einhverjum snyrtistofum í borginni.
Til hamingu Sif Cosmetics!
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
