Það er fátt eins ljúffengt og gott salat!
Ég hreinlega elska bragðgóð salöt og geri mikið af því að prófa mig áfram í dressingum og skella saman ólíkum hráefnum í salöt. Þetta salat er alltaf jafn gott. Það er einfalt, ótrúlega bragðgott og saðsamt.
Það sem þú þarft til að búa til kjúklinga, avocato ostasalat er
Hálfur poki af fersku spínati
8-10 stk konfekt tómata skorna til helminga eða 3 meðalstóra tómata skorna í bita
1/2 dós gular baunir
1 stk avocado smátt skorið
2 bringur steiktar kjúklingabringur eða hálfur grillaður kjúklingur
1/3 úr dós feta ostur eða 17% ostur skorinn í teninga (ath að hægt er að nota hvaða ost sem er, það fer allt eftir því hvaða fituprósentu af osti þú vilt nota í salatið, þeir bragðast allir jafn vel og passa jafn vel með þessu hráefni.)
1/2 poki léttsteiktar furuhnetur
Dressing:
- 3msk ólífuolía
- 1msk dijon sinnep
- gróft salt og grófur pipar
- Hrærið vel saman og hellið yfir salatið þegar það er tilbúið.
Þetta bragðgóða og holla salat er tilvalið sem hádegisverður eða jafnvel kvöldverður, það er ferskt og einstaklega ljúffengt!
Guðrún J. Halldórsdóttir er innanhúss- og húsgagnahönnuður. Sporðdreki og Tígur takk.
