Það er fátt hollara og unaðslegra en íslensku bláberin.
Sannkölluð ofurfæða sem hægt er að nýta í margvíslega rétti en best eru þau að okkar mati í eftirréttina (og auðvitað í smoothie).
Við fundum þessa girnilegu uppskrift á vefsíðunni Freisting.is en hún er eftir Sverri Halldórsson matreiðslumeistara.
BLÁBERJA CRUMBLE
2 öskjur bláber
1 tsk sítrónusafi
2 tsk appelsínusafi
1 tsk rifinn appelsínubörkur ( bara ysta lagið )
1 tsk kanill
1,5 bolli sykur
1,5 bolli smjör
1,5 bolli hveiti
0,5 tsk salt
Aðferð
Setjið berin í form, sáldrið yfir söfunum, berkinum, kanellinum og helming af sykrinum. Hrærið smjörinu og hinum helminginum af sykrinum ásamt saltinu og til síðast hnoðið í höndunum, dreifið siðan deiginu í litlum bitum yfir óreglulega.
Setjið inn í forhitaðan ofn í 180c og bakið í 30 -35 mínútur.
Berið fram með þeyttum rjóma, sýrðum rjóma eða ís! Við lofum. Þetta slær í gegn!
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
