Færðu stundum þráláta löngun í reyktan lax eða grafinn? Þá gæti verið að þig skorti D-vítamín en laxinn er jú stútfullur af þeim sem og Omega 3 fitusýrunum góðu.
Reyktur lax er líka einstaklega skemmtileg fæða þar sem þú getur neytt hans á fjölbreyttan hátt. Með hrærðum eggjum, á hrökkbrauði, eða með rjómaosti og beyglu svo fátt eitt sé nefnt.
Hér er nýr vinkill á reykta laxinn, einskonar smjörpate sem hægt er að nota sem álegg á hrökkbrauð og kex:
- 200 gr af mjúku, góðu smjöri
- 200 gr af reyktum laxi
- 2 msk ferskt dill
- safi úr hálfri sítrónu
Blandaðu þessu saman og láttu standa í klukkutíma áður en það er borið fram með góðu hrökkbrauði eða kexi.
Ekta ‘skandinavískur’ réttur sem bráðnar á tungunni.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
