Þetta bananabrauð tekur mögulega 4 mín frá því byrjað er að stappa bananana og þar til það kemuur í ofninn. Fullkomið þegar maður nennir ekki að gera neitt of flókið.
NUTELLA BANANABRAUÐ
INNIHALD
2 vel þroskaðir bananar
1,5 bolli hveiti
1 egg
1/2 tsk matarsódi
1/4 tsk salt
3 msk nutella
Ofninn er stilltur á 200°C. Banananir eru stappaðir með gaffli, öllu blandað saman í skál og hrært vel þangað til góð blanda hefur myndast. Smyrjið brauðform eða leggjið smjörpappír ofan í það og hellið deiginu í formið. Látið brauðið bakast í 30 – 40 mín eða þangað til það er bakað í gegn.
Einfaldara gerist það ekki!
Uppskrift þessi er frá Lindu Ben.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
