Hvernig væri að dekra svolítið við sig um helgina sem er í vændum og fá sér heimagert bounty á kósýkvöldi?
Þetta ‘bounty’ inniheldur engan hvítan sykur eða annað sem á það til að fara illa í okkur en bragðast alveg dýrðlega svo þú getur notið þess með betri samvisku en ella.
Hér kemur uppskriftin en hana fengum við hjá Guðbjörgu Finnsdóttur hjá G-Fit heilsurækt í Garðabæ.
INNIHALD
- 1 bolli döðlur (látið liggja í bleyti í ca 20 mín svo verði mjúkar)
- 3 bollar kókosmjöl
- 1/4 bolli kókosolía (við stofuhita)
- 1/2 bolli malaðar kasjúhnétur
- 1 tsk vanilla
- smá salt
- 3-4 msk kókospálmasykur
- 70% lífrænt súkkulaði
Kókosmjöl, hnetur, kókossykurinn, vanillu og salt allt í matvinnsluvél og blandað saman, settu svo eina og eina döðlu út í (búnar að liggja í bleyti áður) og unnið vel ásamt kókosolíunni.
Deigið á bökunarpappír og mótað í ferhyrning og kælt á meðan sirka 150 gr af súkkulaði er brætt í vatnsbaði og svo látið yfir kökurnar. Getur líka stungið tannstöngli í ferhyrninginn og dýft í súkkulaðið. Svo er allt látið kólna.
Njóttu í botn!
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
