Seiðandi miðjarahafs nýbökuð langloka með grænmeti og léttu kjúklingaáleggi.
Fljótleg, falleg og freistandi skammdegisloka sem fær mann til að gleyma stað og stund því unaður bragðsins tekur þig til eyjunnar fögru i miðjarðarhafinu þar sem geislar morgunsólarinnar færa þér nýsprottið mangó á silfurlituðu fati. Gerist ekki betra!
AÐFERÐ
Langloka smurð með majonesi.
Svo koma klettasalat, paprika, svartur pipar, oregano krydd og sólþurrkaðir tómatar smátt saxaðir og létt kjúklingaálegg.
Önnur umferð klettasalat, rönd af túnfiski hrærðum í mæjónes skreytt með salati og rauðri papriku. Að lokum er rönd af mangó sósu sett yfir.
Sósan
2 msk majónes
2 msk sætt sinnep
salt og pipar
Hálft ferskt mango stappað niður og hrært vel saman við. Svolitlum lime safa er bætt út í til að skerpa á bragðinu.
Njótið í góðum selskap!
Dóra elskar að föndra við snittugerð en matur hefur alltaf haft mikil áhrif á hennar líf. Svo mikil að Dóra byrjar flesta morgna á að hugsa um hvað eigi að vera gott í kvöldmatinn. Hún býr á Seltjarnarnesi, á tvær æðislegar stelpur og sætasta golfara í heimi (að ólöstuðum okkar). Dóra lærði til lyfjatæknis árið 2001 en áhugamál hennar snúast um allt sem tengist mat, hreyfingu, dansi og útivist.
