Ég fékk dásamleg kremlínu frá Helenu Rubinstein fyrir mánuði síðan og hef verið að nota hana daglega: Hydra Collagenist
Þegar veturinn nálgast og kólna fer í veðri er nauðsynlegt að hugsa vel um húðina og nota gott rakakrem og farða sem gefur góða vörn í kuldanum. Það þarf að huga vel að húðinni og hugsa um umhirðu hennar.
Hydra Collagenist húðsnyrtilínan býður upp á virkt serum sem fyrir byggir upp vörn gegn öldrun. Kremið gefur húðinni djúpvirkan raka en línan samanstendur meðal annars af augnkremi í þægilegri túbu (tek hana með mér í snyrtibudduna) og Deep Hydration rakamaskanum sem er ómissandi minnst einu sinni til tvisvar í viku þegar veður fer kólnandi.
Hydra Collagenist endurvekur samstundis endingargóðan raka og dregur þannig úr hrukkum og línum af völdum rakaskorts — en það er mikilvægt að næra húðina. Ég ber Hydra Collagenist serum fyrst á andlitið og hálsinn og svo kremið (berist alltaf á andlit eftir serum) bæði kvölds og morgna en þar sem kremið er mjög virkt þá forðast ég augnsvæðið. Ber síðan Hydra Collagenist augnkremið á viðkvæmt augnsvæðið til að vinna gegn þreytu og fá sléttari áhrif.
Gott er að hreinsa húðina bæði kvölds og morgna og eftir hreinsun er mikilvægt að nota Hydra Collagensit rakakremið en það er með góðri vörn gegn sólar og mengunaráhrifum úr umhverfinu.
Þegar kremið er borið á húðina umbreytist ástand hennar samstundis, hún verður mjúk og áferðarfallegri. Fær langvarandi raka og virðist sem ný, áferð húðar minnar er fínlegri, jafnari, mýkri og flauelskenndari.
Kremið er ætlað konum eldri en 30 ára en auðvitað er það mjög gott fyrir allar þær sem vilja og þurfa góðan raka.
Díana Bjarnadóttir útlitsráðgjafi og stílisti hefur margra ára reynslu við að aðstoða fólk með fataval. Hún starfaði meðal annars á Ítalíu og í London þar sem hún var stílisti stjarnanna hjá Giorgio Armani og Gucci.
Hefur einnig verið búsett í svíþjóð, Hollandi og á Selfossi en býr nú í Reykjavik. Díana er einnig með menntun í förðunarfræði. Greinar og ljósmyndir Díönu hafa m.a. verið birtar í tímaritunum Veggfóður, Ský og Smáralindarblaðinu. Díana er fædd 1. maí og er því naut.
