Chanel Body Excellence slim er fyrsta varan frá Chanel með ADIPOFIT, virku efni .
Eftir umfangsmiklar rannsóknir, hafa sérfræðingar Chanel fundið ADIPOFIT, formúluna sem á að vinna á fitufrumum og grenna mann.
Formúlan er þríþætt, hún ræðst á fitufrumur, eykur hringrás og kollagen framleiðslu, saman vinnur þetta á hrufóttri áferð húðarinnar svo hún sléttist.
Rannsókn sem gerð var á 43 konum sem notuðu Chanel Body Excellence slim í 4 vikur sýndi að meðaltali 4,3% fituminnkun og sléttari húð á rassi, lærum og hnjám.
Þetta er grænleitt gel sem smýgur notalega inn í húðina með kælandi eiginleikum. Húðin virðist þéttari og sléttari strax við ásetningu og það má sjá áhrifin eftir vikulanga notkun.
Niðurstaða: Ég verð að viðurkenna að ég hafði enga trú á að svona gel gætu virkað fyrr en ég prófaði þetta, ég er búin að vera nota þetta í mánuð, ekki daglega þó og það sést samt munur. Húðin er sléttari og fallegri. Svo fíla ég líka hvað það er notalegt og kælandi að setja það á sig, manni líður einfaldlega vel í húðinni og hún verður einstaklega mjúk og slétt. Sexí stöff!
Vala vinnur hjá 66 Norður, er menntaður innkaupastjóri og faglegur ráðgjafi hönnuða í öllu sem snýr að viðskiptum og markaðssetningu. Hún er krabbi, fædd árið 1979 og montin mamma tveggja stráka. Býr í 101.
