Ég var hoppandi glöð í morgun þegar ég fór að fikta í símanum mínum og fann app sem ég hef notað töluvert í eplatölvunni minni en það heitir PhotoStudio og er myndvinnsluforrit.
Í appinu eru fjöldinn allur af brellum (e. effects) sem gera myndirnar artífartí og spennandi. Einnig er hægt að flytja myndirnar á auðveldan hátt í önnur myndvinnsluforrit eins og Instragram en það forrit er eitt af mínum uppáhalds. Þar sem brellurnar eru margar í appinu er hægt að setja sínar uppáhalds á vinsældarlista (e. favorites) og einnig er hægt að vista sínar eigin brellur.
Að sjálfsögðu er stuðningur að senda myndirnar þegar þú ert búin að vinna þær á Fésið, Twitter í tölvupósti og á Flickr, eða jafnvel prentað hana út. En þú getur líka bara vistað hana í símanum ef þú vilt.
Sigrún Þöll Þorsteinsdóttir (f.15 feb 1975 – d. 8 apríl 2014) bloggaði á Pjatt.is í rúmlega tvö ár.
Sigrún Þöll starfaði sem tölvunarfræðingur, var dellukona, tækjasjúk og fagurkeri af lífi og sál. Að eigin sögn fannst Sigrúnu gaman að hlaupa, hjóla, drekka kaffi, huga að heilsunni, prjóna, lesa, taka ljósmyndir, rækta garðinn sinn og fleira og fleira. Blessuð sé hennar minning. Sigrún verður ógleymanleg þeim sem kynntust þessari dásamlegu konu.
