Out of milk er forrit sem er ótrúlega sniðugt til að halda utan um matarinnkaupin, TODO listann og fleira í gegnum símann þinn.
Ég hef notað þetta forrit í töluverðan tíma en þar get ég stjórnað matarinnkaupunum og fleiru þar sem það man hvaða vörur ég hef slegið inn áður, það er hægt að senda innkaupalistann á milli með tölvupósti, SMS-i, pósta á fésið og fleira og fleira.
Það sparaði mér mikinn tíma að geta sett vörur jafn óðum á innkaupalistann hvar sem er og hvenær sem er og þegar þannig liggur við, senda listann á kallinn og hann fer í búðina og verslar inn.
Algjört brill!
Þú getur sótt forritið í símann þinn hér en það er alveg ókeypis og ótrúlega einfalt í notkun.
Sigrún Þöll Þorsteinsdóttir (f.15 feb 1975 – d. 8 apríl 2014) bloggaði á Pjatt.is í rúmlega tvö ár.
Sigrún Þöll starfaði sem tölvunarfræðingur, var dellukona, tækjasjúk og fagurkeri af lífi og sál. Að eigin sögn fannst Sigrúnu gaman að hlaupa, hjóla, drekka kaffi, huga að heilsunni, prjóna, lesa, taka ljósmyndir, rækta garðinn sinn og fleira og fleira. Blessuð sé hennar minning. Sigrún verður ógleymanleg þeim sem kynntust þessari dásamlegu konu.
