Snillingurinn David Bowie er meðal þeirra listamanna sem sem hafa haft þvílík áhrif á okkur að stundum áttar fólk sig kannski almenninlega ekki alveg á því hverju hann kom í gegn. Hann hafði ekki bara áhrif með söng sínum, textagerð og lagasmíðum heldur einnig framkomu og fatavali og bara svona almennu attitjúdi. Hann var stjarna. Skærbjört og í mörgum litum.
Á hverjum degi fæðist nýr Bowie aðdáandi einhversstaðar í heiminum og ef viðkomandi heillast ekki mest af tónlistinni þá er það lúkkið… nú eða bara þetta æðislega gender fluid yndisstreymi sem hann masteraði svo vel.
Í albúminu má sjá skemmtilega samantekt um hvernig Bowie og hans stíll hefur haft bein áhrif inn í stóru tískuhúsin á liðnum árum.
Ég er af X-kynslóð, elska 70’s tónlist, finnst gott að fara í sund á kvöldin og þoli ekki arfa i görðum (miðaldra). Hef ólæknandi áhuga á heimildarmyndum og norrænum sakamálasögum og fæ kikk út úr því að fara á allskonar skrítin námskeið. Ég er óhemju forvitin og nýt þess að miðla og deila því sem ég sé og upplifi með öðrum. Til dæmis hér, – með þér.
