Michael Jace, sem er best þekktur fyrir hlutverk sitt í sjónvarpsþáttaröðinni The Shield, er talinn hafa myrt eiginkonu sína í byrjun þessarar viku.
Samkvæmt heimildum mun Jace sjálfur hafa hringt á lögreglu og tilkynnt að hann hefði skotið eiginkonu sína, April, á heimili þeirra í Los Angeles.
Nágrannar þeirra heyrðu skothvelli klukkan 20:30 síðastliðið mánudagskvöld. Jace mun hafa skotið April fyrir framan ung börnin þeirra.
Lögregla kom fljótlega á vettvang og fann April látna. Jace var þegar handtekinn og settur í varðhald. Hann hefur núna verið ákærður fyrir manndráp. Ekki er vitað hvað olli því að hann skaut eiginkonu sína.
Jace lék Julien Lowe í The Shield en hann hefur einnig leikið í NYPD Blue, Private Practice, The Mentalist og Burn Notice.
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
