TERI HATCHER elskar að bera á sig kísilinn í Bláa Lóninu og er til í að ferðast hingað til landsins, bara svo hún geti dekrað við sig í lóninu.
Þetta kemur fram í viðtali hjá People Magazine en þar eru stjörnurnar spurðar að því hvaða fegrunarmeðferðir séu í sérlegu uppáhaldi hjá þeim.
Þar segir að stjarnan úr Desperate Housewifes fljúgi hingað til lands til að baða sig í náttúruundrinu og fá nudd undir berum himni ásamt saltskrúbbi.
Íslenskar konur eru jafnframt byrjaðar að heimsækja Bláa Lónið í ríkari mæli enda er staðurinn algjör perla fyrir dekurrófur og komin á skrá yfir 25 náttúruundur veraldar.
Pjattrófurnar vilja reyndar kalla þetta náttúru -og fegurðarundur því það koma allir fallegri upp úr Bláa Lóninu!
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
