Talaðu mörg tungumál OG fylgstu með tískunni á sama tíma

Talaðu mörg tungumál OG fylgstu með tískunni á sama tíma

models-see-no-hear-no-say-no

Tungumál er eina leiðin fyrir okkur mannfólkið til að tjá okkur og koma skilaboðum á milli hvors annars. Við vitum ekki enn nákvæmlega hvernig boðskiptakerfi á milli dýra virka en allstaðar í náttúrunni liggja tungumál og  samskiptakerfi hönnuð til tjáningar.

Ég tala sjálf fjögur tungumál án erfiðleika, þar að auki tala ég tvö önnur tungumál  lítillega (kallast að vera mellufær) og tvö í viðbót get ég átt í prímal samræðum á, líklegast einhverju tengdu hótelherbergjum og kokteilapöntunum. Sem er líklegast það eina sem maður þarf að kunna?

6d36e4dce710f45aa7a4819c20c204cd

Tungumál & tækifærin

Tungumálakennsla, nám og fróðleikur tengdur tungumálum er fyrir mér gríðarlega mikilvægt. Að ég tali þessi tungumál hefur opnað ótal hurðir fyrir mig og ég tala nú ekki um allan flóruna af fólki sem ég hef kynnst bara með því að vera mellufær í móðurmáli einhvers. Tækifærin sem birtast  síðan í kjölfarið eru ómetanlega.

Að halda sér í formi

Það getur tekið á að læra nýtt tungumál og tileinka sér öll þau smáatriði og sérkenni sem fylgja hverju máli. Því fylgir vinna og tími. Það sorglegasta við tungumálanám er að það getur á stuttum tíma fallið í gleymskunnar dáð. Það eina sem kemur í veg fyrir að við gleymum er að halda sér við. Ekki ólíkt því að halda sér í formi í ræktinni og mæta reglulega, þurfum við að æfa tungumálið sem við höfðum fyrir því að læra og halda því við.

Það er ekki alltaf auðvelt. Ég labba til dæmis ekki um í Kringlunni og legg á hlustir og stekk á næsta spænskumælandi einstakling og býð hann hjartanlega velkominn á móðurmálinu hans. Það væri í fyrsta lagi skrýtið og þar að auki kæmist ég aldrei langt með samræðurnar því ég væri líklegast handtekin fljótlega.

0eb9ef5bdb1f140b0a288c9dc09f9a6a

Smekkleg endurmenntun

Eitt besta ráðið við að halda sér í “formi” hvað varðar erlend tungumál er að lesa en því miður hefur maður takmarkaðan tíma til að liggja upp í sófa og lesa tíuþúsund síðna best of  doðrant eftir Decartes á  frönsku. Hér kemur internetið inn og bjargar deginum (eins og alltaf). Ég les nefnilega eiginlega bara blogg núna til að halda mér við.

Fashion, c’est ma passion

Ég get valið hvað ég les um, eitthvað sem tengist mínu áhugasviðið eins og tískublogg. Ég  les  tískublogg  í 10-15 mínútur daglega á hinum ýmsu tunugmálum til að halda mér við, minni sjálfa mig á málfræðinotkun, stafsetningu og uppfæri orðaforðann.

Snilldin við t.d tískublogg er að það er mikið af myndum, textinn er yfirleitt einfaldur og stuttur og fullur af “götu-orðum” þ.e. ekki skrifmál heldur talmál. Markmiðið er að æfa talmálið því það er jú það sem við viljum gera gert – ef ég lendi í matarboði hliðiná svía vil ég getað spjallað við hann á hans máli. Ég vil helst ekki hljóma eins og talandi fornbókaverslun.

Ég hafði samband við nokkra heimsborgara sem voru svo vinalegir að kynna mig fyrir góðum tískubloggum sem þægilegt er að lesa til að halda málfærninni við. Ég setti saman lista af ýmsum tísku síðum á allskonar tungumálum. Ef þú talar annað tungumál en ensku og hefur gaman af tísku mæli ég með að þú komir þér upp venju að lesa á tungumálinu í 10 mínútur á dag. Þannig læriru og fljótlega verða orðabækur óþarfar.

ff9930773610bc56db74c366f1f6fe93Þú verður brátt reiprennandi tungumálaséní, upprennandi diplómati og ekta heimsborgari með aðdáunarvert tískuvit og óaðfinnanlegan smekk.

SÆNSKA Angelica Blick– Hanna Stefansson – Victoria Törnegren

FRANSKA Garance Doré – Hello its Valentine – Cuillére á absinthe

ÍTALSKA The blonde salad – The fashion fruit – The Three F

SPÆNSKA De la moda y otros demonios – Style lovely – La otra horma del zapato

NORSKA Style devil – Ulrikke Lund – By Benedicthe

ÞÝSKA Journelles – Masha – Sedgwick – Josie loves

DANSKA A machine life – Adélie – Sarah Louise

 

Share on facebook
Deila á Facebook
Share on twitter
Deila á Twitter
Share on pinterest
Deila á Pinterest