TÆKNI: Nýr iPhone 6 kynntur til leiks – Skjárinn mikið stærri og síminn þynnri!

TÆKNI: Nýr iPhone 6 kynntur til leiks – Skjárinn mikið stærri og síminn þynnri!

Í gær kynnti Apple tvo iPhone síma, iPhone 6 og iPhone 6 Plus til leiks en munurinn er einna helst sá að nýi síminn er mikið stærri en sá iPhone sem við eigum núna. 

iPhone 6 kemur með 4,7 tommu skjá, á meðan iPhone 6 Plus er með 5,5 tommu skjá og stefnir því meira í áttina að Samsung símum, að minnsta kosti hvað varðar skjástærðina.

Síminn er jafnframt þynnri en iPhone 6 er einungis 6,9mm þykkur (og iPhone 6 Plus er örlítið þykkari eða 7,1mm). Síðasta nýjungin frá iPhone, 5S  er 7,6mm þykkur, svona til samanburðar en sagt var frá þessu á Einstein.is í gær.

Rafhlaðan í iPhone 6 og 6 Plus er betri  og taltími á iPhone 6 er 14 tímar en 10 tímar í 5S og 24 tímar á iPhone 6 Plus. Þá styður iPhone 6 Plus afspilun tónlistar í allt að 80 tíma, eða tvöfalt lengur en iPhone 5S. Maður spyr sig samt, hver hlustar á tónlist í 80 tíma?

Skjárinn á iPhone 6 er með skapari upplausn og iPhone 6 Plus kemur líka með landscape mode líkt og á iPad/iPad mini, þannig að heimaskjárinn er nýtilegur í þeim ham. iPhone 6 styður LTE allt að 150Mbit/s, og 802.11ac staðalinn, sem hefur mun meiri flutningsgetu en 802.11a/b/g/n staðlarnir.

6b-640x360

Og hvað kostar svo gripurinn og hvenær get ég keypt svona!?

Verð iPhone 6 verður óbreytt, þ.e. $199 með samningi í Bandaríkjunum, sem þýðir að hann mun væntanlega kosta 109.990 krónur hérlendis þegar hann kemur á markað. iPhone 6 Plus mun kosta frá $299 með samningi, og ef maður ber verðlag erlendis saman við íslenska iPhone síma, þá ætti hann að kosta á bilinu 125-130 þúsund krónur hérlendis.

Síminn kemur á markað í Bandaríkjunum 19. september næstkomandi en ekki er vitað hvenær hann berst hingað upp á klaka. Við bíðum samt voða spenntar eftir því að sjá hann!

Share on facebook
Deila á Facebook
Share on twitter
Deila á Twitter
Share on pinterest
Deila á Pinterest