Justin Bieber er fimmta mest hataða manneskjan í Bandaríkjunum!
Þetta kom fram í skoðanakönnun sem var gerð á dögunum og kom í ljós að fólk kann verr við drenginn en fræga morðingja og raðmorðingja.
Samkvæmt E-Score skoðanakönnuninni er eigandi Los Angeles Clippers og milljarðamæringurinn, Donald Sterling, hataðasti maðurinn í landinu sem stendur.
Annar milljarðamæringur og reyndar líka svikari er í öðru sætinu á þessum miður fallega lista og er það Bernie Madoff.
Enginn annar en O.J. Simpson er í þriðja sæti og þar strax á eftir kemur fyrrum læknir Michael Jackson, Conrad Murray.
Og síðan kemur Bieber-inn!
Bieber er óvinsælli en morðinginn Phil Spector og Aaron Hernandez, fyrrum NFL stjarna, sem er sakaður um að hafa myrt þrjár manneskjur.
Í næstu sætum á eftir eru faðir Lindsay Lohan, Micheal Lohan, og raunveruleikastjarnan Jon Gosselin.
Í könnuninni tóku 1100 manns þátt en fólkið var á aldrinum á aldrinum 13-49 ára.
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
