Nú þegar haustar og kuldinn fer að bíta í kinnarnar er mikilvægt að næra og verja húðina og þá er skynsamlegt að velja náttúrulegar vörur án parabena sem henta allri fjölskyldunni, eins þara-húðvörurnar frá VOR gera.
Fjölskylda mín er allavega öll fallin fyrir þessum frábæru íslensku vörum!
Í byrjun sumars byrjaði ég að nota vörur frá VOR, með frábærum árangri. Fyrst notaði ég vörulínu sem inniheldur íslensk bláber og ákvað í framhaldinu að prufa hina vörulínuna sem er með þara. VOR vörurnar eru þróaðar af Margréti Sigurðardóttur grasalækni en þetta eru lífrænar húðvörur án parabena, ilmefna og erfðabreyttra efna.
Þarinn sem fenginn er úr sjónum utan við Grindavík er uppfullur af steinefnum, B-vitamíni, iodine, magnesíum, phosphorus, Zink og Chromium og hefur afar hreinsandi áhrif á húðina.
“Ég byrjaði að nota Þara-hreinsilínuna á mig og unglingana mína þegar við höfðum verið í vikulangri útilegu og húðin okkar þarfnaðist virkilega hreinsunar. Unglingarnir voru tregir í fyrstu og fannst þetta bölvað vesen í mömmunni að vera láta þau þrífa svona vel og bera krem á sig kvölds og morgna en eftir örfáa daga sáu þau muninn, bólurnar hurfu, húðin var endurnærð og mjúk og þau héldu rútínunni áfram kvölds og morgna án áminninga frá mér.”
Þara hreinsimjólk: Hreinsimjólkin er þykk og þarf aðeins að pumpa örlítið í lófann, bera á andlitið og nudda lauslega með hringlaga hreyfingum. Hún hreinsar vel af farða og augnfarða án þess að þurrka upp viðkvæmu húðina í kringum augun.
Þara andlitsvatn: Einstakt andlitsvatn með ferskum keim af sjávaröflum. Andlitsvatn lokar húðinni á að nota eftir hreinsun húðarinnar með hreinsimjólk. Þú setur vatnið í bómullarskífu og hreinsar vel andlit og háls. VOR Andlitsvatnið er sér hannað fyrir óhreina og feita húð og hentar því unglingum sérlega vel. Bæði hreinsimjólkin og andlitsvatnið koma í 200 ml flöskum með pumpu og endast að mér finnst óvenju lengi enda þarf maður ekki mikið magn í einu.
Þara dagkrem: Gott steinefnaríkt dagkrem fyrir allar húðgerðir, það vinnur vel gegn bólum og óhreinni húð og entar vel undir farða. Þara dagkremið inniheldur kókosolíu sem er mýkjandi.
Þara næturkrem: Er steinefnaríkt og passar vel eftir hreinsun með þara hreinsilínunni. Næturkremið inniheldur en meira af mýkjandi kókosolíu sem nærir húðina yfir nóttina.
Þara kremin eru einnig góð fyrir karlmenn eftir rakstur og henta öllum húðgerðum.
Sölustaðir: Around Iceland, Laugavegi 18, Leifsstöð, Keflavíkurflugvelli, Sjávarsmiðjan á Reykhólum, Shopicelandic.com
Snyrtistofur hafa tekið VOR vörunum fagnandi og þær sem bjóða upp á lífrænar húðmeðferðir með VOR vörum eru: Snyrtistofa Grafarvogs, Hverafold, Snyrtistofan Dekurhornið, Faxafeni, Snyrtistofa Jónu, Hamraborg
Vala vinnur hjá 66 Norður, er menntaður innkaupastjóri og faglegur ráðgjafi hönnuða í öllu sem snýr að viðskiptum og markaðssetningu. Hún er krabbi, fædd árið 1979 og montin mamma tveggja stráka. Býr í 101.
