Sothys andlitsskrúbburinn Gelée gommante Visage,Micro-gel-peeling er æðislegur og ég verð að fá að mæla með honum hér.
Ég hef verið að þennan frábæra skrúbb í um það bil mánuð og er mjög sátt með árangurinn og áhrifin sem hann hefur á húðina mína.
Skrúbburinn er mjög fíngerður og rífur alls ekki þannig að hann ætti að henta þeim sem hafa viðkvæma húð eða jafnvel exem. Þá myndi hann líka gagnast þeim sem fá bólur og þurrkabletti í kringum þær því hann fjarlægir efsta húðlagið og hjálpar þannig húðinni að endurnýja sig hraðar.
Um leið og hann er borinn á andlitið og strokinn með hringlaga hreyfingu leysast kornin upp og verða að olíukenndri hreinsimjólk.
Skrúbburinn sér um að skrúbba burt dauðri húð og þú finnur strax hvernig þú verður alveg extra hrein, stinn og mjúk í andlitinu eftir að hafa notað hann.
Skrúbburinn inniheldur korn úr hvítu tei sem gefa honum milda og góða lykt, sem er alls ekki of sterk og ætti þessvegna að henta öllum.
Þú færð Sothys á mörgum snyrtistofum og apótekum en varan í medium flokki.
Anna Brá Bjarnadóttir er fædd á því herrans ári 1986, sama ár og Gleðibankinn hóf raust sína í júró, sem er mögnuð tilviljun þar sem stúlkan er sjálf vel stæður Gleðibanki! Anna starfar sem skemmtanastjóri og dj á Loftinu og Lebowski Bar en er á sama tíma algjör græju gúrú og fíkill. Anna er útskrifuð af tæknibraut Kvikmyndaskóla Íslands og hefur m.a. starfað við fjölda auglýsinga og sjónvarpsþátta. Hún býr við Norðurmýrina með hundinum Tinna og kærastanum og kokkinum Jónasi.
