Shiseido eru óneitanlega fremstir á sínu sviði þegar kemur að húðumhirðu.
Sjálf er ég mikill aðdáandi og nota krem frá Shiseido á hverjum degi!
Húðin á okkur er mismunandi eftir því á hvaða aldri við erum og þarf misjafna meðferð og við sem erum komnar yfir þrítugt þurfum að passa sérstaklega vel upp á húðina okkar til að hún haldist ungleg og fersk.
Frá Shiseido kemur frábær hreinsilína sem heitir Moisturizing Hydratant 1.2.3.
Hægt er að kaupa allar vörurnar í línunni í handhægum umbúðum sem inniheldur þrjá brúsa.
Í þeim fyrsta (númer eitt) er sápa og þarf maður bara að nota örlítið í einu því hún freyðir svo vel (gott fyrir budduna). Sápan skilur húðina eftir hreina og mjúka. Þurrkar húðina alls ekki upp heldur gefur henni frískleika.
Í brúsa tvö er dásamlegur tóner sem lokar húðinni eftir að hún hefur verið þvegin með sápunni. Tónerinn er léttur, mjúkur og lyktar svo vel! Svo frískleg og hrein lykt (já það skiptir stóru máli).
Í þriðja brúsanum er svo dagkrem, létt, þægilegt og eins og með sápuna þarf maður bara smá því það dreifist einstaklega vel úr kreminu. Það má þó nota kremið bæði sem dagkrem og næturkrem.
Snilldin finnst mér líka stærðin á kassanum. Kassinn er ætlaður sem ferðakitt og brúsarnir eru í þægilegri stærð. (ekki þessir stóru hlunkar sem maður hefur hingað til verið að kaupa) Fullkomin hreinsilína fyrir ferðalögin í sumar!
Ég mæli algjörlega með þessari hreinsilínu frá Shiseido. Hún hreinsar vel, gefur húðinni fallegan ljóma, lyktar einstaklega frísklega og lætur manni líða notalega vel.
Guðrún J. Halldórsdóttir er innanhúss- og húsgagnahönnuður. Sporðdreki og Tígur takk.
