Chanel varalitir hafa alltaf verið í uppáhaldi hjá mér þegar ég er að leita mér að klassískum lit.
Rouge Coco línan er sérstaklega gerð til að halda vörunum vel nærðum allan daginn og virkar í raun eins og varasalvi.
Destinée er fallega plómu-litaður varalitur úr línunni sem ég hef notað mikið dagsdaglega. Hann er ekki mjög áberandi en gerir mikið fyrir heildarlúkkið.
Þótt hann sé frekar hlutlaus er eitthvað sérstakt yfirbragð yfir honum – ég næ ekki alveg að átta mig á hvað það er en hann hefur svolítinn “x-faktor” þessi!
Hann er mjúkur með meðalglans og ekki of þunnur. Ég þoli ekki varaliti sem fara að leka eftir smá tíma en þessi gerir það bara alls ekki.
Hann er eins góður og þeir gerast!
Hann helst nokkuð vel á og er nánast lyktar og bragðlaus.
Mæli hiklaust með honum, enda er hann mjög vinsæll!
Athugið að hann er limited edition!
Stella Björt útskrifaðist úr Borgó 2010 og starfar nú sem verslunarstjóri í Topshop í Smáralind. Þess á milli tekur hún að sér stílistaverkefni og hefur tekið námskeið í stíliseringu í London College of Fashion en stefnir á fullt nám þar í framtíðinni. Stella er tvíburi.
