[youtube]http://www.youtube.com/watch?v=IYu3xMumkW8[/youtube]
Ef þig langar að eiga eða gefa einn alveg æðislegan gloss þá skaltu prófa nýjasta Chanel Rouge Allure.
Hann kom á markað í nýjum umbúðum á þessu ári og með enn betri endingu. Umbúðirnar eru einkennismerki Chanel, þú ýtir á gulltappann, einn smellur og hann poppar upp.
Ótrúlega skemmtileg hönnun og elegant!
Liturinn gefur ofboðslega fallegan gljáa og hann endist mjög lengi.
Það hefur verið unnið með litarefnin í honum þannig að hann er sérlega þéttur, í raun eins og varalitur sem glansar út í eitt. Gefur lakk áferð en er alls ekki klístraður. Engar áhyggjur af því.
Í Rouge Allure eru sérstök efni sem næra varirnar um leið og þú verður sætari. Nauðsynlegt í vetrarkuldanum.
Svampurinn er líka hannaður þannig að þú þarft ekki nema eina stroku og þá ertu með’etta.
Ég sem nota ekki oft glossa er mjög hrifin af þessum frá Chanel. Hann er til í nokkuð mörgum fallegum litum svo hver ætti að finna eitthvað við sitt hæfi. Þetta er frábær vara vara 😉
Ég mæli með þessum klassa sem gjöf til vinkonu eða til sjálfrar þín fyrir jólin. Hvaða pjattrófa yrði ekki glöð að fá gloss frá Chanel í jólapakkanum!?
[usr 5.5.]
Ég er af X-kynslóð, elska 70’s tónlist, finnst gott að fara í sund á kvöldin og á erfitt með arfa i görðum. Kýs fjölbreyti í lífið. Kann eina Eminem plötu utanað. Hef thing fyrir Marilyn Monroe, áhuga á feminisma og svona sitthvað fleira.
