Snyrtivörur: Nýju OPI Coca-Cola naglalökkin – 4 flottir litir

OPI og Coca Cola hafa sannarlega vakið athygli með nýrri línu naglalakka sem öll eru byggð á innblæstri frá drykkjum Coca Cola risans.

Ég prófaði fjóra liti og verð að segja að ég er mjög hrifin.

You’re So Vain-illa er ljóskremaður litur sem er byggður á innblæstri frá Vanilla Coke. Hann þekur vel og hentar vel fyrir þær sem þrá kremaða lúkkið.

Sorry I’m Fizzy Today er ljós bleikkóral litur með smá ferskjutón og einnig fengin úr innblæstri frá Vanilla Coke. Hann er frábrugðin öðrum bleikum litum og kemur skemmtilega á óvart. Þær sem prófa hann munu átta sig á því hvað ég á við.
Þessir tveir litir eiga það sameiginlegt að þekja mjög vel og er ein umferð og yfirlakk nóg til að fá fallega áferð og dýpt. Þessir tveir litir eru í algjöru uppáhaldi hjá mér, eru sumarlegir og sætir.

Get Cherried Away er dökkfjólublár, djúpur litur og sækir innblástur til Cherry Coke.
Ég setti tvær umferðir af honum og þótti það nóg til að þekja vel og leyfa dýptinni í litnum að njóta sín í botn. Mér þótti hann ekki alveg jafn nýr af nálinni hjá OPI og hinir litirnir og fannst ég kannast við tóninn.

My Signature is “DC” er mögulega einn áhugaverðasti liturinn að mínu mati og áferðin á honum sérstaklega áberandi og grófari en á hinu hefðbundna lakki. Silfurlitað lakkið  byggir á Diet Coke og mér þótti hann fallegastur eftir tvær umferðir.

Lökkin frá OPI hafa reynst mér vel hvað varðar endingartíma en að vísu nota ég alltaf undir- og yfirlakk sem mér finnst einnig skipta máli fyrir glansáferð og hefur það líklega sitt að segja.

[usr 4]