Ég er að prófa mig áfram með FACE & BODY SALVATION frá DrBraga og hef komist að því að þetta er lúxusvara fyrir alvöru pjattrófur!
Þetta gerir þessi æðislegi vökvi:
- Bætir á augabragði rakabúskap og almennt ástand húðarinnar.
- Heldur húðinni mjúkri allan daginn!
- Hentar vel fyrir svæði þar sem húðin slaknar fyrr og sýnir litabreytingar, svo sem á hálsi og bringu.
- Vinnur mjög vel á svæðum þar sem húðin vill endurtekið verða þurr og hörð, jafnvel flagna.
- Gott við sólskemmdum og eftir vaxmeðferð eða rakstur.
- Hefur góð áhrif á svæði þar sem bólur myndast gjarnan, svo sem á bakinu.
Ég er búin að nota úðann á hverjum morgni í þrjá daga og fann strax frá fyrsta degi að húðin varð stinnari, mýkri og mér leið betur í henni.
Í morgun prófaði ég að spreyja á andlitið og trúðu mér það myndi ég aldrei gera nema treysta vörunni 100%. Ég er nefninlega með verulega slæma húð og get því ekki sett hvað sem er á hana.
Ég hvet þig til kynna þér störf Dr. Jón Braga Bjarnasonar, hann var prófessor í lífefnafræði við Háskóla Íslands og rannsakaði ensímin sem eru virku efnin í vörum Dr. Braga í yfir 35 ár.
Hér er hægt að lesa sér til um vísindin á bak við vörurnar. Mæli með myndbandinu þar sem Bragi útskýrir sérstaklega virkni sjávarensíma sem er grunnurinn að snyrtivörunum.
Spreyið er einfalt í notkun, þú spreyjar á andlit og líkama og nuddar inn í húðina til að örva blóðstreymið og sogæðakerfið en varan hentar jafn vel á líkama og andlit.
Fimm stjörnur af fimm. Umsagnir og umfjallanir má skoða hér.
Fanney hefur skrifað á Pjattið frá 2012. Hún skrifar mest um andlegu hliðina og lífsstílstengd mál. Fanney er viðskiptafræðingur og starfar sem slíkur hjá Markhóli markþjálfun. Hún býr í 105 Rvk ásamt sambýlismanni sínum Óskari Arnarsyni. Fanney er með sól í fiskum en er rísandi bogmaður.
