Að mínu mati er náttúruleg förðun fallegust. Sérstaklega í amstri dagsins, vinnu, skóla o.s.frv.
Ég hef verið að nota BB kremið frá Maybelline í viku núna og er mjööög ánægð með það. Ég mæli hiklaust með því fyrir þær ykkar sem eruð með slæma húð eins og ég – það er að segja ör, roða og bólgur.
Kremið gefur fallega áferð og setur punktinn yfir i-ið í náttúrulegri förðun. Ég hef líka tekið eftir því að farðinn endist lengur yfir daginn þegar ég nota BB kremið.
Þetta gerir Dream Fresh BB frá Maybelline fyrir húðina:
1. Býr til náttúrulegan ljóma
2. Ýtir undir þinn náttúrulega húðlit
3. Sólarvörn, SPF30
4. Gefur góðan raka yfir daginn
5. Dregur úr ójöfnum hörundslit og gefur húðinni jafnara yfirbragð
6. Veitir slétta og mjúka áferð
7. Heldur húðinni feskri
8. Er olíulaust
Mjög einfalt í notkun. Þú einfaldlega dreifir þunnu lagi af kreminu yfir andlitið. Kremið má nota með eða án rakakrems. Ég mæli hins vegar með því að sleppa rakakremi ef þú ert með feita eða blandaða húð.
Kremið fæst á öllum helstu útsölustöðum snyrtivara og er, líkt og allar vörur frá Maybelline, á mjög góðu verði.
Fanney hefur skrifað á Pjattið frá 2012. Hún skrifar mest um andlegu hliðina og lífsstílstengd mál. Fanney er viðskiptafræðingur og starfar sem slíkur hjá Markhóli markþjálfun. Hún býr í 105 Rvk ásamt sambýlismanni sínum Óskari Arnarsyni. Fanney er með sól í fiskum en er rísandi bogmaður.
