Í vetur fór í loftið ný sería sem ber nafnið Grimm. Þættirnir eru byggðir á hinum gríðarvinsælu Grimmsævintýrum með nútímalegu ívafi og fjalla um lögreglumanninn Nick Burkhardt (David Giuntoli) sem tekst á við mjög óvenjuleg vandamál í sínu starfi.
Nick er fæddur inn í ætt Grimm fólks sem hefur haft lifibrauð af því að berjast við ýmiskonar furðuverur og skrímsli. Hans hægri hönd er lögreglufélagi hans Hank Griffin (Russell Hornsby) og einnig vinur hans Eddie Monroe sem er leikinn af Silas Weir Mitchell en hann lék m.a. hlutverk geðsjúklings í Prison Break.
Grimm eru mjög spennandi og söguþráðurinn heldur manni við efnið frá byrjun. Karakterarnir eru líka flestir skemmtilegir og viðkunnalegir. Svo ná handritshöfundarnir að sjálfsögðu að hafa smá ástarfléttur inni í dæminu. Þættirnir góð afþreying þó svo að ég telji mig nokkuð vissa um að þetta sé ekki tebolli þeirra sem hafa ekki fýlað vampíru/skrímsla/furðuveruþætti áður.
Allir ævintýrafíklar ættu að kíkja á Grimm og sjá um hvað málið snýst. Og ég mæli með því, eins og með flestar aðrar seríur, að horfa á tvo til þrjá þætti áður en maður myndar sér skoðun 🙂
[youtube]http://www.youtube.com/watch?v=Kh3rFsv_WSE[/youtube]
Gunnhildur Birna Gunnarsdóttir er förðunarfræðingur og útskrifaðist með hæstu einkunn úr MOOD Make Up School með áherslu á tísku- sjónvarps- og ljósmyndaförðun og tók Airbrush námskeið í sama skóla. Hún er sjálfstætt starfandi og tekur að sér hin ýmsu verkefni, allt frá einstaklings- og brúðarförðunum upp í tímarit og auglýsingar. Einnig vinnur hún fyrir Bobbi Brown á Íslandi sem sölustjóri.
— Vantar þig förðun og/eða persónulega förðunarráðgjöf? Hafðu samband á gunnhildur@gb-makeup.com
