Kim Kardashian lofaði nýlega aðdáendum raunveruleikaþáttanna að þættirnir Keeping Up with the Kardashians yrðu hennar forgangsverkefni. En eru þættirnir, sem hafa verið í loftinu í sjö ár, kannski bara komnir á leiðarenda?
Samkvæmt blaðakonunni Nikki Finke voru áhorfstölurnar á þáttunum í byrjun þessa mánaðar aðeins 28% hjá áhorfendum á aldrinum 14-49 ára.
„Kardashian hrynur“, sagði Finke á vefsíðu sinni.
Svo virðist sem flestar stjörnurnar í Hollywood hafi ekki lengur áhuga á að láta sjá sig í þáttunum.
Leonardo DiCaprio neitaði á dögunum að láta mynda sig í þáttunum og meira að segja Beyonce neitaði að mæta í brúðkaup Kim Kardashian og Kanye West á dögunum vegna þess að hún vildi ekki láta sjá sig í þáttunum.
Og þá er ekki allt upp talið – Meira að segja bróðir Kim, Rob Kardashian, vill ekki lengur láta sjá sig í þáttunum.
„Rob telur að raunveruleikaþættirnir hafi eyðilagt fjölskyldu sína,“ sagði heimildarmaður við RadarOnline.
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
