Hin unga leikkona Shailene Woodley er alls ekki feimin við að segja frá sínu einkalífi eða öðru í viðtölum við blaðamenn.
Shailene lét einmitt nokkur góð heilsuráð fylgja með í viðtali sem hún gaf á dögunum. Í viðtalinu segir hún meðal annars frá því að leir og leirböð séu það besta sem þú getir gert fyrir líkamann þinn. Ekki nóg með að leir sé góður að utan heldur sé ótrúlega hollt og gott að borða hann! Leirinn hreinsi málma og allskonar önnur óhreinindi út úr líkamanum en þetta á allt að vera einstaklega gott.
Leikkonan segir einnig að sér finnist mjög gott að nota olíu til að hreinsa munninn, hún fái sér matskeið af olíu, t.d. kókosolíu og leyfi henni að veltast í munninum í dágóðan tíma, þannig hreinsar hún munninn og tennurnar og engin óhreinindi verði eftir í munninum eða á tönnunum sjálfum.
Svo kemur að besta ráðinu! Þegar sólin skín þá sé best að stökkva beint út og fara í sólbað, ekki nóg með það að fá smá D vítamín frá sólinni heldur mælir hún með því að þær sem búa á stöðum sem sólin skín sjaldan (halló Ísland) þá eigi að leggjast niður, opna klofið og leyfa D-vítamíninu að flæða um klofið ásamt öðrum líkamspörtum!
Með þessu getir þú komið í veg fyrir ýmsar sýkingar og vesen hjá þér og vinkonu þinni en þetta ráð las Shailene í heilsublaði og hefur tileinkað sér síðan. Henni finnst einnig ekkert spes að þvo sér um hárið, það sé bara þvegið einu sinni í mánuði, því feitara því betra segir hún!
Er þetta eitthvað sem koma skal? Þarf maður að fara að búa til smá “svæði” á pallinum eða á fáförnum stað til að komast í sólbað með klofið? Æji ég veit ekki… ha?
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
