Leikkonan Sandra Bullock settist niður í síðustu viku í þættinum hjá Jay Leno en þar spurði hann hvort að sögusagnir um hana og George Clooney væru sannar.
Sandra sagði alls ekki, hún sagði einnig að þau George séu búin að þekkjast í svo mörg ár að hún hafi ekki lengur tölu á þeim.
Leikkonan sagði einnig að þau gætu aldrei verið saman (kannski því að George vill bara hafa dömurnar sínar um tvítugt), þau væru allt of lík til þess að geta verið í alvarlegu sambandi og hún liti ekki á George sem neitt annað en mjög góðan vin.
Sandra og George voru mjög innileg hvort við annað á rauða dreglinum þegar þau voru að kynna kvikmyndina “Gravity” og þá fóru sögusagnir af stað. Slúðurheimarnir kölluðu þau heitasta parið um þessar mundir og allt var að verða brjálað.
Söndru finnst þessar sögusagnir mjög fyndnar og sagði að þau tvö yrðu aldrei neitt annað en góðir vinir en George studdi Söndru þegar hún gekk í gegnum skilnaðinn við Jessie fyrir tveimur árum síðan.
Svei mér þá ég held að þau gætu nú verið hið fínasta par saman, en kannski erfitt að fara í samband eftir að hafa verið vinir í svona mörg ár? Eða ekki?
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
