SAMBÖND: 20 ástæður fyrir því að hún MUN halda fram hjá þér

SAMBÖND: 20 ástæður fyrir því að hún MUN halda fram hjá þér

affair“Ég næ þessu ekki, hún hélt fram hjá mér. Af hverju? Ég er henni trúr, ég hugsa vel um hana, ég er í frábæru formi, kynlífið okkar er gott. Ég næ þessu ekki!”

Nei, það gerirðu ekki kæri vinur.

Karlmenn halda stundum að þeir eigi einkaréttinn á framhjáhaldi en svo er víst ekki.

Konur halda líka margar framhjá þó þær geri það oft af öðrum ástæðum en karlar. (Þó ekki alltaf. Stundum eru þær bara í skapi fyrir vitleysu).  Ein helsta ástæða þess að konur halda framhjá er þó oftast sú að þú ert of áhugalaus en veistu hvað?! Það borgar sig alls ekki að sofna á verðinum.

Heimurinn er fullur af mönnum sem myndu gefa hægri höndina á sér fyrir nótt með konunni þinni. Sumir myndu jafnvel ganga mjög langt fyrir korter eða hálftíma.

Hér á eftir eru nokkrar ástæður sem hún gæti gefið sér fyrir því að slá bara til og taka einu tilboði eða svo.

Patchwork / Liana Satenstein, Denim, Jewelry, Vintage, Street Style / Garance Doré: Patchwork / Liana Satenstein, Denim, Jewelry, Vintage, Street Style / Garance Doré1. Af því að hún hefur ekki hlaupið af sér hornin

Þið fóruð ung að vera saman. Misstuð mey og sveindóminn saman. En núna er hún orðin leið, finnst hún vera að festast í fari og veltir fyrir sér af hverju hún sé að missa. Slepptu bara, nema þú hafir einhver undraráð. Ef þú hefur þau, drífðu þig þá áður en það verður of seint! Annars er ekkert sem fær stöðvað þessa konu, – og þú veist hvað þú hefur gert.

2. Af því þú hlustar ekki

Þegar þú kemur heim, þreyttur úr vinnunni eða skólanum, og ert búinn að elda, þvo bílinn og skúra sameignina, og hún byrjar að tala um hvað hún sé orðin feit (sem hún er alls ekki), samskiptin við mömmu sína og vinkonurnar. Þú geispar áhugalaus og langar bara til að kúra með henni. Hún verður pirruð og ákveður að fara bara í ræktina og vonast til að lumbersexual gaurinn sé á svæðinu. Þessi sem er búinn að horfa á hana í fimm vikur og kommenta á hvað hún sé dugleg, svo kannski …

Sex & the City - Samantha likes a guy!: Sex & the City - Samantha likes a guy!3. Af því að besta vinkona hennar er lúxusdrusla

Það er erfitt að halda sig á mottunni þegar besta vinkonan veður í flottum karlmönnum. Það eru líkur á að einhver af þeim sem hún er að tjatta við eigi sætan vin sem þessi mátulega siðblinda vinkona hennar vill endilega að hún kynnist.

Þú veist, hópþrýstingur og allt það; fáðu þér eina sígarettu maður, prófaðu … Þú tókst smók á endanum, var það ekki?

Af hverju ætti hún ekki að gera það líka?

4. Af því að þú kemur fram við hana eins og litlu systur

Það að þú fluffir á henni hárið eins og hún sé tíu ára og kallir hana Snúllu eða Krúslu hjálpar henni alls ekki að líða eins og gyðjunni sem hún jú er.

Ef þú sýnir henni ekki mátulega blöndu af kærleika, kynþokka, ást og rómantík og kemur ekki fram við hana eins og fallega, dásamlega konu á hún eftir að leita að blíðu hjá daðurgjörnum samstarfsmönnum sínum sem eru fljótir að færa sig upp á skaftið þegar þeir sjá færi.

Og þá, minn kæri, skaltu bara drífa þig í Kattholt, fá þér læðu og nefna hana Krúslu, svona til að hafa allavega eitthvað til að fluffa í þegar þú kemur heim. Alvöru konur vilja ekki láta tríta sig eins og smástelpur.

cat5. Af því að þú kemur fram við hana eins og hún sé kynlífsleikfang

Á hinn bóginn, ef þú hamast á henni eins og hundur á löpp, klappandi á rassinn á henni eins og Bill Cosby þegar hún er að taka úr vél og svona… þá leitar hún til manns sem vill ræða við hana um vaxtastýringu og eitthvað bla …

Þó hún sé með lærin utan um hálsinn á honum á meðan. Sýndu vitsmunum hennar virðingu og ekkert rassaklapp út í eitt.

6. Af því að uppáhalds vinaparið ykkar er hætt saman

Parið sem þið fóruð alltaf með í bíó, drukkuð rauðvín og borðuðuð osta með og samsömuðuð ykkur við, er hætt saman. Vinkonan talar endalaust um hvað gaurinn hafi verið ömurlegur og hún ræðir þetta ekki við ykkur bæði heldur BARA við konuna þína, á kaffihúsum og stelpudjammi sem konan þín “verður” að fara með þessari fráskyldu á.

Í miðju trúnó fattar hún kannski að ÞÚ er alveg sami skíthællinn og hinn og langar að taka þátt í veiðunum með vinkonunni. Grasið verður allt í einu svo ofsalega grænt þarna hinu megin.

old

7. Af því að hún er í uppnámi yfir að verða 30, 35, 45…

Hana langar til að ganga í barndóm og fara í sleik við stráka án þess að hún þurfi að skúra og ryksuga með þeim um helgar. Henni líður ekki eins og hún sé svona gömul, heldur að það sért ÞÚ sem lætur henni líða eins og hún sé háaldrað gamalmenni og Hrafnista blasir við á sjóndeildarhringnum.

Já, skammastu þín, það ert ÞÚ sem lætur henni líða svona! Hún fær hreinlega gráa fiðringinn, byrjar að klæða sig öðruvísi og setja hárið í hátt tagl. Hún fer í brúnkusprautun, kaupir sér Juicy Coture galla…  vertu hræddur … vertu MJÖG hræddur!

joke

8. Af því að nýi vinnufélaginn skilur allt betur

Þú getur engan veginn áttað þig á því sem hún þarf að ganga í gegnum í vinnunni/skólanum og þú getur alls ekki skilið tæknimálið sem hún talar þegar hún talar um vinnuna (hvað í andskotanum eru venslaílát, hugræn gagnatög eða fallsnið?). Þannig að þú segist ekki hafa áhuga á þessu (enda er betra að þegja og vera talinn heimskur en að opna munninn og taka af allan vafa).

En félaginn í vinnunni/skólanum (já, sá sem daðrar alltaf við hana á vinnu-/skólasamkomum þar sem áfengi er haft um hönd) kann öll þessi orð og gott betur. Hann býr til ORÐALEIKI úr þeim! Sem eru raunverulega fyndnir. Þú ert í alvarlega slæmum málum.

9. Af því að hún er svo döpur og niðurdreginFall Balayage: Fall Balayage

Þú reynir allt til að hressa hana við. Þú setur þig í hlutverk mömmunnar, pabbans, stóra bróður, stóru systur, trúðsins, vinarins, sálfræðingsins – allra sem hún leitar ekki til. Abbababb … RANGT!

Hún talar ekki við þetta fólk um hvernig henni líður.

Það er ástæða fyrir því. Af hverju ert þú þá að setja þig í hlutverk þeirra? Gott hjá þér að reyna. En ekki líklegt til árangurs.

Hún verður alveg jafn döpur. Og næsti maður sem er ekki í akkorði að leika Dr. Phil, heldur bara sjálfan sig, á auðvelt með að heilla hana. Dreifa athyglinni og fá hana til að hugsa um eitthvað skemmtilegt.

Það er nefnilega hressandi ef maður er niðurdreginn. Og hann er hann sjálfur, ALVÖRU maður, – ekki ráðþrota sjálfskipaður sálfræðingur sem reynir stöðugt að pumpa hana um hvernig henni líður.

Hann verður lausnin, ekki þú … því miður.

10. Af því að hún vill skuldbinda sig

Hún vill komast yfir “hálfsársþröskuldinn” (sem er búinn að vera fyrir framan ykkur í þrjú ár) með því að trúlofast. Hún er komin á tærnar og þú ert ekki búinn að girða í brók. Svo þegar hún stekkur á eitthvað annað dettur þú á hausinn því þú gast ekki hysjað upp um þig og klárað málið í tæka tíð. ÞÉR VAR NÆR! If you like it…

ring

11. Af því að hún á ókláruð mál með fyrrverandi

Fyrrverandi, úff! … Aldrei gott: Við erum bara vinir. Hann á svo bágt ég verð að hitta hann. Auðvitað þykir mér alltaf vænt um hann, við vorum saman í sjö ár … Eitur! Eitur segi ég!  Ef hún er ekki búin að loka almennilega þá eru líkur á því að hún þurfi að hitta hann og útkljá málin í eitt (eða tvö) skipti fyrir öll. Vertu á varðbergi.

New York Sun by Julia Pappas (Canvas) by Bashian Home at Gilt: New York Sun by Julia Pappas (Canvas) by Bashian Home at Gilt12. Af því að þú ert of öruggur með þig

Þér finnst þú kannski guðsgjöf til kvenþjóðarinnar. Segir henni frá því í hvert sinn sem einhver kona lítur þig hýru auga. Þú getir samt ekkert að þessu gert. Þú sért bara svona æðislegur – þær ráða ekki við sig þessar stelpur. Hún finnur leið til að koma þér niður á jörðina (með hausinn á undan).

13. Af því að þú ert of óöruggur með þig

Það er líka vont. Þú talar um að þú sért búinn að fitna – Bendir henni á hvað kollvikin á þér séu orðin há og að hún vilji ekkert vera með svona feitum og sköllóttum gaur.

Svo segir þú henni líka hvað þú sért í rauninni með lítið typpi miðað við meðaltalið og hvað þú sért með lítið þol þegar þið eruð að hjóla eða gera það o.s.f.rv. – Þú eigir hana hreinlega ekki skilið.

Hún lítur ekki á þetta sem hrós, bjáni. Þú ert að sannfæra hana um að þú sért afgangur! … Þú sagðir þetta og getur sjálfum þér um kennt.

14. Af því að hún vill verða fullorðins

Þú ert strákslegur og sniðugur. Þú ert kjánalegur. Þú drekkur bjór og ropar. Þú safnar Star Wars dóti. Heldur í æskuna. Kannski langar hana að prófa vin þinn sem drekkur rauðvín, gyrðir skyrtuna og á Rolex sem hann erfði frá afa.  Hún kallar hann kannski hnakka og segir að hann sé bara sniðugur, eins og fullorðinn kall. En veistu hvað, henni finnst þú vera gelgja. Fastur í Menntaskólafrösum. Reyndu nú að þroskast maður. Konur vilja ekki vera í mömmuleik með mennina sína.

15. Af því að þú ert hættur að reyna í rúminu

Hún vill ekki særa þig með því að biðja þig um að taka þig á og gera hlutina öðruvísi. Þá gætir þú orðið sár og fundist eins og þú hefðir kannski aldrei staðið þig almennilega. Þannig að hún ákveður að taka smá á kantinum með einhverju tröllinu sem rúllar þessu upp í rúminu. Einum gömlum og góðum. Þá særir hún engan. En svo náttúrlega kemst þú að þessu og allt fer til fjandans. Ekki vera eigingjarn í bólinu.

 : 16. Af því að þið lentuð í rosa rifrildi

Þið rífist eins og hundur og köttur. Annað hvort ykkar strunsar út. Hún fer á fyllirí til að fá smá útrás. Þið eruð sjálfkrafa, að hennar áfengissmitaða mati, í pásu. Hún fer á trúnó með heilu fótboltaliði um hvað hún á/átti ömurlegan kærasta.

Þeir sýna þessari drukknu, fallegu konu fullan skilning, hún velur sér tvo með tilheyrandi ruðningi og tvígripum á frákastinu og áður en hún veit af er hún komin í hraðaupphlaup í átt að einhverju nýju og æðislegu lífi, gleymir þér og verður aðdáandi númer eitt á bekkjunum.

Ú á þig, ÁFRAM KR!!!

17. Af því að henni leiðist og langar að smakka

Sko, konur vilja líka fjölbreytileika. Og, nei, þú getur ekki verið læknir, iðnaðarmaður, leikari og landsliðsmaður í fótbolta. Þannig að það skásta sem þú getur gert er að hrópa alltaf JÁ þegar hún biður þig um að koma með sér í jöklaklifur, jóga eða á japanskt matargerðarnámskeið. Ekki vera límdur við sófann. Konur vilja fjölbreyti í líf sitt.

18. Af því að hún vill ÚT!

Innst inni langar hana til að hætta með þér. Hún er búin að reyna að lauma því að en þú ert svo blindaður af ást að þú sérð það ekki. Hún hefur bara ekki manndóm (eða kvendóm) í sér til að ganga að þér og segja þér það hreint út. Hún vill ekki vera vond. Hún vill frekar heyra háan hurðarskell gegnum eigin stunur í bland við stunurnar í einhverjum fótboltakappa (hvað er þetta með mig og fótbolta???).

blurred

19. Af því að þú daðrar við allt sem hreyfist

Þú glápir á allt sem hreyfist. Spyrð hana hvort það sé ekki rétt ályktað hjá þér að stelpan í ísbúðinni sé ekki í brjóstahaldara og hvort þetta sé virkilega hægt? Að vera ekki í brjóstahaldara. Really?! Þú spyrð hana um stelpurnar í sturtu í ræktinni og vinkonurnar. Er þessi með rakað? Er þessi með sílikon?

Þú ert að grafa þér gröf frændi. Henni finnst þú vera að gera lítið úr sér (réttilega) og hún mun dömpa þér. Ekki hvort heldur hvenær. Finna sér einhvern svakalega flottan (ekkert endilega fótboltagæja), einhvern sem sýnir henni að hún sé lang, lang flottust!

needy

20. Af því að þú veitir henni OF MIKLA athygli

Því miður vinur. Það er engin trygging að vera hinn fullkomni kærasti. Þú færir henni blóm, skrifar sæta miða og skilur eftir handa henni á víð og dreif, hlustar af áhuga á allt sem hún segir, nuddar hana í bak og fyrir og hvaðeina, en hvað gerist?

Þegar þú bíður með heimatilbúið konfekt með mynd af ykkur í hjarta framan á öskjunni er hún SAMT að daðra við einhvern dólgslegan, órakaðan iðnaðarmann (allavega ekki fótboltaboltamann) inni í eldhúsi. Þótt þú sért svona æðislega góður og æðislegur. Jú sjáðu til… Það er nefnilega ekki bara athygli og ást sem konur vilja …

Þetta er svooo flóóóóókiiiiiiiið

rihanna

P.S. Þessum lista er eingöngu ætlað að minna á ýmislegt sem gott er að hafa í huga þegar sambönd eru annars vegar. Hann er hvergi í Biblíunni, s.s. ekki taka þessu of bókstaflega. 

Share on facebook
Deila á Facebook
Share on twitter
Deila á Twitter
Share on pinterest
Deila á Pinterest