Dívan Beyonce er búin að gefa út nýtt videó fyrir nýjustu plötu sína -Sweet Dreams.
Vídeoið er með marga bæði góða og slæma punkta.
Brjóstin á Beyonce eru við það að hrynja úr svörtu skyrtunni og svarta palíettupilsið er kannski ekki svo slæmt fyrir æsta aðdáendur.
Myndbandið er semsagt heitt, sérstaklega hún Beyonce í rifna silfurtoppnum sem sýnir ótrúlega flottan líkamann og danshreyfingar sem margar konur myndu gefa allavega arfinn sinn fyrir ef maður ætti arf.
Hinsvegar virðist hún stöðnuð þegar kemur að þessum “thrice the jingles” grindarhreyfingum sem minna mig svo mjög á myndbandið “Single Ladies”. Sama uppsetning -Hún og tveir aðrir dansarar fyrir aftan hana (önnur er reyndar karlkyns).
Svo er ég ekki alveg að skilja samsetningunni með gyllta framtíðarbúninginn og 1930’s bylgju hárgreiðslunni (minnir örlítið á Too Funky videoið hans George Michaels þar sem fatnaðurinn var frá Thierry Mugler ).
Beyonce er ótrúlega flott kona á allann hátt og hún minnir mig óneitanlega á Tinu Turner. Það er sami kraftur í stelpunni.
Hér er hægt að sjá umfjöllun Beyonce af upptöku myndbandsins:
Og hér er snilldin sjálf:
Díana Bjarnadóttir útlitsráðgjafi og stílisti hefur margra ára reynslu við að aðstoða fólk með fataval. Hún starfaði meðal annars á Ítalíu og í London þar sem hún var stílisti stjarnanna hjá Giorgio Armani og Gucci.
Hefur einnig verið búsett í svíþjóð, Hollandi og á Selfossi en býr nú í Reykjavik. Díana er einnig með menntun í förðunarfræði. Greinar og ljósmyndir Díönu hafa m.a. verið birtar í tímaritunum Veggfóður, Ský og Smáralindarblaðinu. Díana er fædd 1. maí og er því naut.
