Hinn undurfagri og ofur kynþokkafulli Ryan Gosling hyggst biðja Evu Mendes að trúlofast sér en þokkaprinsinn lenti hér á Íslandi í morgun.
Eva hefur víst látið hafa það eftir sér að sig langi til að trúlofast, ekki síðar en á fertugsafmælinu, og nú er ekki seinna vænna því konan er 39 ára og heilum sjö árum eldri en Ryan.
Ónafngreindir meðleikarar þeirra í myndinni ‘How to Catch a Monster’ segja að Ryan hafi verið upptekin við að undirbúa bónorðið í lengri tíma, meðal annars með því að fá hönnuðinn Neil Lane til að búa til glæsilegan hring sem slær í gegn hjá pjattrófunni Evu.
Beint eftir tökur á myndinni vildi Ryan bjóða sinni heittelskuðu í stutta helgarferð. Yfirskin ferðarinnar var að halda upp á tökulokin en í raun og veru á þetta að vera bónorðsferð og Eva er víst alveg grunlaus… nema auðvitað hún lesið Pjattið og noti google translate.
Spurningin er svo hvort hún á eftir að fylgja honum hingað til Íslands? Er þetta helgarferðin sem hann lofaði henni? Er hann á Íslandi til að undirbúa bónorðið?
Við óskum þessu kynþokkafulla og fagra pari til hamingju með að hafa fundið hvort annað. Svona huggulegur maður eins og hann Ryan Gosling á ekki skilið að ganga laus lengi…
Vonum bara að Íslandsferðin hafi ekki sömu áhrif á þeirra samband og hjá þeim Russel Crowe og Tom Cruise en báðir skildu eftir að hafa dvalist hérlendis. Örlagaeyjan Ísland.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
