Söngkonan Rihanna er forsíðustúlka Vogue í marsmánuði og þar talar hún um Instagram, tískuna og að hún sé ekki að reyna að vera “rebel”.
Rihanna segir að tískan sé ekki einvörðungu sársauki en hann sé þó yfirleitt fylgifiskur hennar. Þetta sé allt skuldbinding, maður þurfi að skuldbinda sig tískunni og hafa áhyggjur af sársaukanum seinna. Hún viðurkennir einnig að stundum hafi hún verið í svo óþægilegum skóm að hún hafi varla geta gengið eftir kvöldið en sjái samt ekki eftir því, því hún var flott og það sé það eina sem skiptir máli!
Söngkonan segir einnig að hún sé ekki alltaf að reyna að vera í uppreisn eða svokallaður “rebel”.
Ákvarðarnirnar sem hún taki dags daglega séu bara í þá átt, hún kýs að synda á móti straumnum en ekki með honum. Rihanna segir líka að hún sé hálfpartinn á móti samfélaginu og geri allt öfugt við það sem samfélagið segi að sé gott og gilt. Þó að samfélaginu finnist hlutirnir sem hún geri ekki vera eðlilegir sé henni alveg sama, henni finnst þetta bara í góðu lagi.
Daman er mjög dugleg að setja myndir af sér á Instagram. Hún segir að þannig hafi hún samskipti við umheiminn. Þegar hún sé á tónleikaferðalagi þá fái aðdáendur að skoða á bakvið tjöldin og hún sé ekkert að hugsa of mikið um það sem hún setur á Instagram síðuna sína, það bara gerist, hvort sem hún sé að taka selfie í bílnum eða taka mynd af hundinum sínum að snúast í hringi, – ef henni finnst það fyndið eða flott þá fari það inn á Instagram.
Rihanna er ekki þekkt fyrir að vera hógvær og miðað við Instagram síðuna hennar, klæðnað og myndbönd er óhætt að segja að hún syndi svo sannarlega á móti straumnum. Hér er Instagram síða söngkonunnar.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
