Leikkonan Portia De Rossi glímdi við ýmsa innri djöfla hér á árum áður aðallega vegna þess að hún gat ekki hugsað sér að koma út úr skápnum.
Leikkonan segist ekki hafa viljað vera lesbía, hún hafði aldrei hitt aðra lesbíu og hélt að þær væru bara skrýtnar konur sem hötuðu karlmenn. Hún hélt þar að auki að lespíur væru alvörugefnar en allar þessar ranghugmyndir sem Portia hafði um samkynhneigðar konur voru vegna þess að það var enginn “fræg” lesbía sem hún gat litið upp til og sagt; “Ég gæti alveg hugsað mér að vera svona”.
Portiu fannst engin kona vera aðlaðandi og það var engin sem hún gat hugsað sér að fara á stefnumót með. Að lokum ákvað hún að loka á þessar hugsanir og tilfinningar sínar, að eignast framtíðarmaka var út úr myndinni. Þessa tilfinningaflækja jókst svo um munaði þegar hún lék í sjónvarpsþáttunum Ally McBeal.
Portia vildi ekki að fólk liti á sig sem kynveru og hún var dauðhrædd um að einhver kæmist að því að hún væri lesbía.
Vanlíðan Portiu var slík að hún veiktist af átröskun. Þyngd hennar rokkaði upp og niður og hún hafði enga stjórn á sjálfri sér. Lífið hennar breyttist svo til hins betra árið 2004 en þá kynntist hún núverandi eiginkonu sinni Ellen DeGeneres (55).
Portia segir; “Að vera hreinskilin við sjálfa mig, að koma út úr skápnum, að vera lesbía – allt þetta var til hins betra í lífi mínu. Ef ég hefði ekki breytt því hvernig ég sá lífið hefði ekki verið neinn tilgangur í því að leita mér lækningar við átröskun, veikindin hefðu bara versnað og loks hefði ég orðið átröskuninni að bráð.”
Ellen og Portia hafa verið giftar frá því árið 2008 og eru afar hamingjusamar saman.
Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.
Fylgdu Rannveigu á Instagram rannveigjonina og á Twitter @MissisRannveig
