Barbi Benton var Playboy fyrirsæta, leikkona og söngkona en hennar tími var á árunum 1970-86.
Barbi var einstaklega falleg kona. Hún hafði þetta fullkomna andlit, augu sem gætu fengið harðasta karlmann veraldar til að brosa og kvenlegan líkamsvöxt sem allar konur öfunduðu hana af.
Barbi er sennilega þekktust fyrir að hafa verið kærasta glaumgosans og Playboy kóngsins Hugh Hefner. Hún varð ástfangin af honum en hann vildi ekki hjónaband né fjölskyldu með henni og því fór hún frá honum. Skynsöm stelpa.
Barbi var uppi á þeim tímum þegar konur voru náttúralegar. Ekkert photoshop, engir sílikonpúðar og konurnar máttu hafa smá maga (enda eru 90% af okkur konum með maga og það er eðlilegt!).
Á seinni árum sínum fóru lýtalækningar að verða algengari, því miður fyrir hennar hönd, því hún kom ekki alltof vel útúr þeim. Það er ekkert mjög náttúrulegt við hana lengur en þó er hún enn falleg.
Hún var gullfalleg og bráðgáfuð kona sem gaman er að minnast.
Stella Björt útskrifaðist úr Borgó 2010 og starfar nú sem verslunarstjóri í Topshop í Smáralind. Þess á milli tekur hún að sér stílistaverkefni og hefur tekið námskeið í stíliseringu í London College of Fashion en stefnir á fullt nám þar í framtíðinni. Stella er tvíburi.
