Eitt sinn var pissað á leikarann Mike Myers í miðjum fótboltaleik.
Faðir leikarans er frá Liverpool í Englandi og er mikill stuðningsmaður Liverpool og segir Myers að eitt sinn hafi hann farið á leik í Liverpool með fjölskyldu sinni þegar hann heimsótti landið eitt sinn. Þar lenti hann í stórfurðulegu atviki.
„Það var frábært að sjá Liverpool spila en í gamla daga voru engin sæti á bakvið mörkin. Við stóðum í The Kop stúkunni sem var troðfull og mannmergðin færðist til og frá,“ sagði Myers.
„Allt í einu var þessi stóri gaur fyrir aftan mig og hann hélt á tímariti og ég hugsaði með mér; „Hver kemur með tímarit á fótboltaleik? Síðan rúllar hann tímaritinu upp og pissar í gegnum það og beint á fótinn á mér. Ég gat ekkert hreyft mig.“
„Ég sagði, „Gaur!?, hvað ertu eiginlega, geðveikur eða hvað?“ Hann horfði bara á mig og sagði við mig um leið og maturinn spýttist út úr honum á meðan hann talaði, „Er eitthvað að því sem ég er að gera?“”
“Og ég sagði á móti, „Nei, ekki neitt. Ég er góður.“
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
