Það eru 367 konur í Frakklandi sem klæðast svörtum kufli frá toppi til táar og kallast hann “búrka”! Sjálfur Sarkozy forseti segir að þessi klæðnaður sé konum sem bera hann til lítillækkunnar og dæmi nú hver fyrir sig.
Mér varð það á að detta inn í eina af undirfataverslunum Parísar og týndist innan um sexý undirföt frá Chantal Thomas og Agent Provocateur, enda ekkert smá flott.
Aðalkúnnarnir þarna voru þessar svartklæddu mussukonur – svo svartar að það grillti bara í augun á þeim og svo sveifluðu þær handtöskum frá Louis Vuitton og Dior í kringum sig. Og þarna voru þær að hamstra g-strengi úr perlum og kristöllum! Það gerist greinilega sitthvað undir búrkunni.
Síðan þá get ég ómögulega litið konu í svörtum kufli augum án þess að hugsa til þess að hún sé örugglega með perlur dinglandi milli þjóhnappanna.
Guðrún Gunnarsdóttir er menntuð í viðskiptafræði en hefur lengst af starfað í tískubransanum. Nú rekur hún heildsölu ásamt eiginmanni sínum. Hún er sérlegur unnandi Parísarborgar en þangað fer hún nokkrum sinnum á hverju ári. Guðrún er hrútur, fædd 1976.
