Leikarinn Orlando Bloom virðist vera kominn með nýja kærustu.
Bloom, sem skildi við eiginkonu sína Miröndu Kerr síðastliðið haust, eftir þriggja ára hjónaband, hefur að undanförnu eytt miklum tíma með bresku fyrirsætunni Laura Paine.
Bloom og Paine sáust saman að skemmta sér með vinum sínum í London á dögunum og á einum tímapunkti héldust þau í hendur.
Bloom og Paine fengu sér síðan drykk og mat með vinunum um kvöldið á veitingastaðnum Little House í Mayfair áður en þau stungu af í leigubíl, samkvæmt Daily Mail.
En fyrrum eiginkona Bloom segir það ekki vera rétt að þau séu par heldur „bara vinir“.
„Þau eru búin að vera vinir í mörg ár,“ sagði Kerr við Mail on Sunday.
„Við töluðum saman um það og þau tala saman á hverjum degi. Fólk hefur verið að reyna að koma mér saman við fólk sem ég hef þekkt í mörg ár.“
Paine hefur aðallega setið fyrir hjá H&M og You tímaritið.
Áður hefur Bloom verið orðaður við Selena Gomez og Nora Arnezeder.
Garðar Örn Hinriksson fæddist sama ár og Jim Morrison og Louis Armstrong hurfu yfir móðuna miklu og getið nú. Garðar er ókrýndur slúðurkóngur Íslands en í rúm fjögur ár slúðraði hann eins og engin væri morgundagurinn á Gossip. Garðar kann þó fleira fyrir sér en að slúðra en hann er útskrifaður leiðsögumaður frá Ferðamálaskóla Íslands og giftur tveggja barna faðir sem stefnir á barn númer þrjú. Hann rekur einnig vefinn enskiboltinn.is og hefur starfað sem knattspyrnudómari í efstu deildum Íslands í rúm 20 ár. Töff? Já.
