Söng og leikkonan ástsæla Olivia Newton John átti ekki sjö dagana sæla þegar iðnaðarmaður framdi sjálfsmorð við sundlaugina heima hjá henni í Flórída.
Maðurinn, sem hét Christopher Pariseletti og var 41 árs, átti í miklu basli með fyrirtæki sitt og hafði meðal annars beðið Oliviu um peningalán svo að hann gæti komist út úr fjárhagsvandanum.
Christopher hafði verið ráðinn til að gera endurbætur á húsnæðinu sem er í Flórdída. Hann skaut sig til bana við laugina þegar enginn var heima og það var annar vinnumaður sem fann hann örendan.
Í síðustu viku fengu Olivia og eiginmaður hennar John Esterling kaþólskan prest til að koma heim til þeirra og framkvæma særingarnar. Planið var að hreinsa út alla illa anda sem hefðu getað orðið eftir í húsinu eftir sjálfsmorðið.
Hjónin hafa reynt að selja en fáir hafa áhuga á að kaupa eignina svo skömmu eftir þennan ömurlega atburð.
Með í særingunni voru Olivia og eiginmaðurinn ásamt tveimur vinapörum. Allir fóru með bænir og helgu vatni var skvett á veggina.
Rosie O’Donnell á að hafa sýnt því áhuga að kaupa eignina áður en maðurinn framdi sjálfsmorðið en bakkaði út úr tilboðinu.
Bíbí hefur reyndar ekki mikla trú á að húsið seljist ekki fljótlega enda örugglega einhver til í að leiða ógæfuna hjá sér, sérstaklega þar sem hin yndisfríða Sandy úr Grease átti heima í þessu koti.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
