Nýlegar rannsóknir Dr. Martina Kerscher, húðlæknis og prófessors við Háskólann í Hamborg í Þýskalandi, sýna að EGF Húðdropar™ frá íslenska líftæknifyrirtækinu Sif Cosmetics vinna gegn sýnilegum áhrifum öldrunar á húðina.
Dr. Kerscher kynnti niðurstöður sínar á 12th Anti-Aging Medicine World Congress í Mónakó nýlega.
Samkvæmt rannsóknum sem hún gerði á sjálfboðaliðum við Háskólann í Hamborg, minnkaði dýpt hrukka á andlitinu eftir tveggja mánaða notkun EGF Húðdropa, þykkt húðarinnar jókst um 60% og þéttni hennar um meira en 30%.
„Með nútíma erfðatækni hefur íslenskum vísindamönnum tekist að framleiða EGF frumuvaka sem er náttúrulegur húðinni og mikilvægur fyrir endurnýjun hennar, í byggplöntum. Þessar niðurstöður eru mjög athyglisverðar enda sýna þær að það er hægt að hafa umtalsverð jákvæð áhrif á húðina með því að bera á hana EGF Húðdropa í aðeins átta vikur,“ sagði Dr. Kerscher.
Dr. Björn Örvar, framkvæmdastjóri rannsókna og vöruþróunarsviðs Sif Cosmetics segir að helstu einkenni öldrunar húðarinnar séu að kollagen og elastín sem mynda stoðkerfi húðarinnar, brotni niður og húðin þynnist. Af því leiðir að húðin þornar, hrukkur myndast og húðin missir náttúrulegan ljóma.
„Vandaðar klínískar rannsóknir Dr. Kerscher sýna svo ekki verður um villst að virkni EGF húðvaranna er einstök. Okkur finnst sérstaklega mikilvægt að sjá áhrifin á þykkt húðarinnar vegna þess að þynning húðarinnar er ein stærsta orsökin á bak við flestar þær breytingar sem við sjáum á húðinni við öldrun,“ sagði Björn.
Samkvæmt rannsóknum sem hún gerði á sjálfboðaliðum við Háskólann í Hamborg, minnkaði dýpt hrukka á andlitinu eftir tveggja mánaða notkun EGF Húðdropa, þykkt húðarinnar jókst um 60% og þéttni hennar um meira en 30%.
Rannsóknir Dr. Kerscher voru sérstaklega hannaðar til að greina raunverulega virkni vörunnar á húð. Sérstaða þeirra fólst í því konurnar sem tóku þátt báru EGF Húðdropa aðeins á annan helming andlitsins. Á hinn helminginn báru þær samskonar vöru, sem ekki innihélt EGF frumuvakann, sem er virka efnið í EGF Húðdropum. Hvorki þátttakendur né vísindamennirnir sem sáu um mælingar á eiginleikum húðarinnar í rannsóknunum vissu hvor hluti andlitsins fékk Húðdropa með EGF frumuvaka og hvor hlutinn fékk vöruna án frumuvaka.
[youtube]http://www.youtube.com/watch?v=e-aFf3RViHE[/youtube]
Alls tóku 30 konur þátt í rannsóknunum og báru EGF Húðdropana á andlitið tvisvar á dag í átta vikur.
Að því loknu voru áhrifin metin með ómskoðun á húðinni og mati á ljósmyndum sem teknar voru við staðlaðar aðstæður.
Þátttakendur lögðu einnig sjálfar mat á ástand húðarinnar á sinn hvorum helmingi andlitsins eftir þátttöku í rannsóknunum. Þar kom fram skýr aukning í þáttum sem erfitt er að mæla í hefðbundnum rannsóknum, á borð við ljóma, útgeislun og mýkt húðarinnar.
Dr. Martina Kerscher er heimsþekktur húðlæknir og sérfræðingur um húðvörur. Frá árinu 2000 hefur hún stýrt snyrtifræðideild við Háskólann í Hamborg þar sem boðið er upp á háskólanám í snyrtifræði. Dr. Kerscher er höfundur fjölmargra greina um húðlæknisfræði og snyrtifræði og er í ritstjórn þýskra vísindatímarita á sviði húðlæknisfræði.
EGF Húðvörurnar frá Sif Cosmetics eru seldar undir vörumerkinu BIOEFFECT á erlendum mörkuðum og sala á virkustu BIOEFFECT húðvörunni, BIOEFFECT 30 DAY TREATMENT hófst nýlega í völdum verlsunum á Íslandi.
BIOEFFECT hefur á skömmum tíma tryggt sér sess sem eitt þekktasta íslenska vörumerkið á alþjóðlegum neytendamarkaði.
Þúsundir ánægðra notenda um allan heim lýsa þeim sem húðvörum sem raunverulega virka.
Hundruðir greina hafa birst í virtum erlendum tímaritum á borð við Vogue, ELLE, Marie Claire, Harper‘s Baazar o. fl. um einstaka virkni, hreinleika og íslenskan uppruna BIOEFFECT húðvaranna. Þær hafa hlotið virt verðlaun snyrtivörugeirans í Þýskalandi, Danmörku, Belgíu og víðar.
BIOEFFECT vörurnar eru nú seldar í yfir 700 stórverslunum, snyrtivöruverslunum, læknastofum, heilsulindum og flugfélögum í 25 löndum og hafa alls staðar hlotið mikla athygli og umfjöllun. Meðal erlendra útsölustaða eru Colette í París, KaDeWe í Berlín, Magasin du Nord í Kaupmannahöfn, Harvey Nichols í Hong Kong, Sokos í Finnlandi, Globus í Sviss, Lane Crawford í Kína, British Airways, Finnair og Lufthansa.
Hér má horfa á viðtal við Dr. Kerscher um niðurstöður rannsóknanna:
[youtube]http://www.youtube.com/watch?v=Ya01izHRshA[/youtube]
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
