Leikarinn Nicolas Cage, sem margar okkar dáðu í David Lynch 90’s myndinni Wild at Heart, er heldur ósáttur þessa dagana því einhversstaðar þarna úti er að finna dónamyndir af honum og barnsmóður í sveittu sængurfatastuði.
Myndirnar láku út þegar iðnaðarmaður sem hafði verið við störf heima hjá Christinu Fulton, móður Westons sonar þeirra, braust inn til hennar og hafði með sér allskonar myndir og fjórar tölvur.
Iðnaðarmaðurinn, sem heitir Ricardo Orozco, var handtekinn í síðasta mánuði en innbrotið átti sér stað í apríl. Hann er nú laus gegn lausnarfé upp á eina milljón bandaríkjadala en myndirnar eru enn ekki komnar í leitina þó lögreglan vinni í því að finna þær hið fyrsta.
Nicolas Cage er einn þeirra Hollywood leikara sem má muna fífil sinn talsvert fegurri en hann var meðal vinsælustu leikara 90’s áranna. Hann kann þó ekkert sérlega vel við að eldast náttúrulega og segja má að ‘fegrunaraðgerðir’ hafi komið í veg fyrir að þetta myndarlega karlmenni hafi náð frekari frama í Hollywood myndum þó margir vilji meina að leikarahæfileikar hans séu líka af heldur skornum skammti.
Sitt sýnist hverjum. Vonum bara að lögreglan í L.A. finni góssið og að Nicolas hafi vit á að vera ekki að mynda þessar athafnir sínar aftur… nema þetta sé allt með ráðum gert? Það er reyndar aldrei að vita…
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
