[youtube]http://youtu.be/oEKYyddyuyQ[/youtube]
Hreyfihamlaðir félagar innan öryrkjabandalagsins tóku fyrir tíu árum þá ákvörðun að best væri að vinna á leiðinlegum fordómum í þeirra garð með góðum húmor.
“Við erum orðnir þreyttir á „aumingja“ stimplinum sem fylgir því að vera hreyfihamlaður. Við ætlum að koma með húmorinn inn í þetta í staðinn og í leiðinni gera hreyfihamlaða að fyrirmyndum í samfélaginu,” segir á FB síðu þeirra kumpána.
Verkefnið, sem fékk fyrir 10 árum nafnið Götuhernaðurinn er unnið í samstarfi við Sjálfsbjörg landssamband fatlaðra og hefur vakið verðskuldaða athygli. Fjallað hefur verið um það í öllum helstu fjölmiðlum landsins. Einnig hefur verkefnið verið tilnefnt til samfélagsverðlauna Fréttablaðsins sem og hvatningarverðlauna Öryrkjabandalagsins.
Að þessu sögðu viljum við minna alla á að fylgja þeirra orðum, ekki láta þá valta yfir okkur og láta þá heyra það sem ekki stjórna stólum sínum vel.
Hægt er að fylgjast með þessum snillingum á oryrki.is eða á Fésbókarsíðu verkefnisins.
