Morgan Freeman (77): Kynlíf heldur mér ungum og ferskum

Leikarinn Morgan Freeman er eldhress þó hann sé kominn fast að áttræðu en hann segir galdurinn á bak við gleðina vera kynlíf.

Morgan, sem er tvígiftur og skilinn, segir að heilbrigð kynhvöt sé það sem haldi honum ungum en yngri konur láta hann reglulega vita af því að hann sé enn með’etta.

Þegar hann var spurður að því hvers vegna hann væri svona unglegur svaraði sá gamli: “P***y.”

Svo hélt hann áfram: “Ef þú færð nóg þá heldur það þér ungum. Þetta snýst allt um hvað öðrum finnst um þig, er það ekki? Ef þú færð að heyra það nógu oft að þú sért sexý, og þær sanna það fyrir þér, þá verður þú aldrei gamall.”

Hann heldur því líka fram að eldri menn eigi ekki að reyna við konur, það eigi frekar að leyfa þeim að “koma til sín”.

Hann útskýrði: “Ég held að leyndarmálið sé að eltast ekki við þær. Þegar þú sérð þær sýna áhuga þá áttu ekki að missa þig og fara að hafa mikið fyrir því að þær taki eftir þér. Það eru mistök. Ef þú kemur inn á bar, gengur upp að konu og spyrð ‘höfum við ekki hist áður’ – þá áttu örugglega ekki eftir að uppskera eins og þú vonast til.”

Morgan Freeman hefur átt mjög farsælan feril í Hollywood en hann segir líf sitt bara hafa orðið betra og skemmtilegra með árunum.

“Ég hélt ég væri alveg á toppnum þegar ég var fimmtugur. Lífið var þægileg sigling og ég hafði góðan meðvind í bakið. Á fertugsárunum var lífið spennandi því mér gekk svo ótrúlega vel í mínu fagi. Samkvæmt minni reynslu þá verður þetta alltaf bara betra og betra.”

Morgan hressi!

Pjatt

Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.

pjatt.is