Leikkonan Mischa Barton tekur um þessar mundir megrunarlyf til að losa sig við aukakílóin en hún kveðst þurfa að grenna sig fyrir komandi hlutverk í kvikmynd.
Lyfið heitir Proactol XS en það inniheldur chitosan, ómeltanlegt trefjaefni sem er búið til úr skeljum krabbadýra og jafnframt inniheldur það efni úr sveppagróðri. Í viðtali við MailOnline sagðist Mischa hafa leitað lengi að fæðubótaefni sem starfaði “í jafnvægi” með líkamsstarfsemi hennar.
Hún segir að Proactol XS hafi engar aukaverkanir og að það hjálpi henni að ná þyngdinni niður með öruggum hætti en í viðtalinu segir hún að það séu um 2 kíló að fara á viku.
Framleiðendur megrunarlyfsins halda því fram að pillurnar framleiði einhverskonar gel kennt efni í maganum sem tekur til sín kólestról og fitu sem síðan fer sína leið í gegnum líkamann með náttúrulegum hætti.
Mishca hefur háð ýmsa baráttuna í gegnum tíðina og farið í nokkrar meðferðir við eiturlyfjafíkn. Hún hefur jafnframt sveiflast mjög til í þyngd og skort jafnvægi á því sviði.
Það þykir því svolítið sérstakt að hún sé að koma fram með kynningu á sérstöku megrunarlyfi en eins og flestir vita er slíkt sjaldnast tilviljun í Hollywood. En svo er það líklegast engin tilviljun heldur hvað sumar stjörnurnar þar sveiflast mikið til í þyngd í glysborginni.
Ýmist hlýtur það að stafa af þeim hlutverkum sem þær verða að taka að sér, andlegu álagi eða þessari ofuráherslu sem lögð er á að vera grannur í landi allsnægtanna.
Vonum bara að Mischa nái markmiðum sínum og haldi góðri heilsu. Og við minnum á skyndilausnir eru vanalega bara það. Þær fara jafn fljótt og þær koma. Virka stundum skjótt en fara jafn skyndilega líka.
Fjölbreytileiki og góður fílíngur er mottó Pjattsins. Engar smellabeitur, bara endalaust af góðu efni, blogg, pistlar, uppskriftir, heilræði, heilsutips, menning, bækur, andlega hliðin og allskonar, allskonar enda höfum við verið í loftinu síðan 2009.
